Bankada FRETILIN iha Parlamentu Nasional (PN) eziji Governu atu fó siguransa ba Juis iha Tribunal no Prokurador sira iha Ministeriu Públiku, nune sira bele ejerse sira funsaun tuir Konstituisaun Republika Demokratika Timor Leste, tanba dala barak sira hetan ameasa husi forsa politika no forsa ekonomika.
Vise Prezidente Bankada FRETILIN, Francisco Miranda Branco hatoo preokupasaun nee ba Jornalista sira, Sesta-feira nee iha Parlamentu Nasional.
“Ami nia preokupasaun kona-ba siguransa ba media, Jornalista sira, Deputadu sira nian, no Juis sira nian, bainhira sira hala’o sira nia servisu no knar tuir konstituisaun no tuir sira nia konsensia, labele hetan ameasa husi forsa politika ka forsa ekonomikas iha Estadu Timor-Leste,” dehan Vice Prezidenti Bankada FRETILIN Francisco Miranda Branco iha PN, sesta 08/03/2019.
Deputado senior dehan FRETILIN lakohi akontese iha nasaun ida ne’e, kuandu Juis, Prokurador no Jornalista sira hetan ameasa, tanba sira hala’o sira nia funsaun tuir lei no tuir Konstituisaun RDTL nebe respeita mutua ba liberdade expresaun.
“Ami koalia bebeik, Juis sira, Prokurador sira persiza hetan siguransa, tanba sira mak dala barak ejerse sira nia funsaun tuir konstituisaun, tuir sira nia konsensia, atu halo justisa lolos, maibe dala barak sira sente insiguru, laiha siguransa ba sira,” dehan Francisco Branco.
Husu kona ba karik iha Juis sira nebe hetan ameasa, Deputadu ne’e hatete lae, maibe ida ne’e hanesan ezijensia ba instituisaun seguransa atu fo apoiu ba juis no prokurador sira, tanba dala barak hasoru poder politiku no poder ekonomiku, sira maka merese hetan seguransa, tanba iha rai seluk mos akontese.
“ Hanesan Governu mos hetan seguransa polisia sira nian, juis sira mos persiza siguransa iha sira nia uma, karik juis sira kaer prosesu nebe merese duni sira hetan siguransa, nune juis sira bele hakmatek husi ameasa karik liu husi telefone ou seluk, hodi nune sira bele desempeña sira nia funsaun ho responsabilidade, kaer ba konstituisaun, kaer ba lei no kaer ba sira nia konseinsa atu sira nia konsiensa labele hetan fali perturbasaun,” preokupa. Nes
