GMN TV Justica e Segurança Hornay prontu koopera ho KomJer PNTL foun

Hornay prontu koopera ho KomJer PNTL foun

0 views

Komandante  Jéral (KomJer) PNTL Komisariu Júlio Hornay hateten, nia prontu koopera ho Komandante  Jéral PNTL foun, ne’ebé mak sei simu pose  iha loron 27, fulan Marsu, tinan ne’e.

Kona-ba pakote kandidatu Komandante  Jéral PNTL ida ka rua tolu, parte PNTL aprezenta ba  Ministru Defeza no Seguransa Interinu mak sei lori ba Konsellu Ministru  hodi desidi.

“Hanesan  ita hotu hatene katak, kareira Komandante  Jéral PNTL ema hotu nian, Estadu ninian, kualker tempu, kualker pesoa, ofisial superior iha PNTL ida bele nomeadu mai iha ne’e. Portantu  tinan haat ona  ita agradese ba Governu katak, to’o mai  iha tinan  haat ba oin fali, komesa 27 Marsu kompetensia  Governu, sei desidi, pareser husi sua exelensia Ministru Defeza no Interior Interino, Filomento Paixão  husu pareser Konsellu Superior ba, ita nia Ministru sei  entrega ba Konsellu Ministru, depois Konsellu Ministru mak sei desidi se-se mak sei mai. Ba  ami normal, kuandu kualker ami nia maluk ruma mai, ami pronto para koopera, pronto atu  suporta, pronto atu apoiu, tanba  ema hotu-hotu iha direitu mai Komandante Jéral”,esplika Komandante Jerál PNTL Komisariu Júlio Hornay, ba jornalista sira Segunda (11/03/19) iha Kuartel PNTL Díli.

Tuir Júlio Hornay,  pakote ba Komandante  Jéral PNTL, posibilidade  Komando PNTL sei entrega ba Governu iha Tersa (12/03/19).

Alende ne’e tuir informasaun balun husi membru PNTL katak,  iha enkontru Konsellu  superior Seguransa ne’e,  desidi pakote rua, pakote primeiru Komandante Jerál PNTL Komisariu Júlio Hornay  ho Komadante Unidade Espesial Polísia Superintendente Xefe Afonso do Santos, sei avansa ho pakote ida no Segundu Komandante PNTL Komisariu Faustinho da Costa ho Superintendente Xefe Mateus Fernandes,  sei avansa ho pakote segundu.

Fó hanoin hikas katak, Komandante Jerál PNTL Komisariu Júlio Hornay  ho Segundu Komandante PNTL Komisariu Faustinho da Costa,  simu pose iha loron 27 fulan Marsu tinan 2015, hodi hala’o kna’ar durante tinan hat nia laran.avi


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker