GMN TV Justica e Segurança KomJer PNTL: Ha’u mai la tolera krimi

KomJer PNTL: Ha’u mai la tolera krimi

0 views

Komandante Jerál  (KomJer) Polísia Nasionál Timor-Leste (PNTL) Komisariu Faustino da Costa hateten, durante mandatu tinan haat  nu’udar KomJer PNTL mak atu defende Estadu,  no sei la tolera aktu krimi akontese iha nasaun ne’e.

Tanba  ne’e Faustino da Costa, apela ba joven sira atu kontribui ba estabilidade, sé  mak eskola aproveita para estuda lalika mete ba krimi estraga imi ninia  futuru rasik.

“Ita sei la tolera, ha’u mai atu defende Estadu ida  ne’e, ha’u mai atu defende rai ida ne’e, ho inan aman sira, ne’ebé sé mak tenta atu koko destrui  kria  instabilidade ami sei halo atuasaun. Tanba ida ne’e labele akontese”,esplika  Komandante Jerál PNTL Komisariu Faustino da Costa, Kinta (28/03/19)  hafoin  partisipa grande intervista iha Studio 2 GMN iha Bebora Díli.

 Lider masimu PNTL  Faustino da Costa dehan,  Timor ne’e labele iha tan ema mate, mate  ne’e  to’o ona, molok Timor ukun a’an ema lubuk mak mate tiha ona ba rai ida ne’e.

“Nusa mak ukun a’an tiha ona ita la aproveita hodi kria situasaun ida para dezenvolve ita nia rai ne’e sai diak liu tan, maibe sei halo tan buat ruma  ne’ebé  halo ema seluk bele mate”,dehan Faustino da Costa.

Regulamentu disiplinar iha PNTL la forte

Nune’e mos, Komandante Jerál PNTL Komisariu Faustino da Costa hateten,  Komandante Jerál laiha kompetensia atu demiti ninia membru wainhira komete krimi ruma, tanba  regulamentu disiplinar  própriu  ba instituisaun ne’e la forte.

Ho regulamentu ne’ebé mak la forte, kuandu Komandante Jerál PNTL suspende membru Polísia ida durante  loron rua nulu  to’o loron atus rua haat nulu,   membru Polísia ne’e iha direitu lori prosesu ne’e kontra Komandante Jerál PNTL hodi halo rekursu ka lori ba Tribunal hodi desidi.

Tanba  ne’e Komando jerál,  iha hanoin propoin ba Parlamentu Nasionál  no Governu atu reve regulamentu interna disiplinar PNTL hodi fó kompetensia ba Komandante Jerál, atu  suspende no demiti ninia  ninia membru wainhira komete krimi ruma.

“Ita nia lei fó dalan sé de’it  iha dereitu asesu ba justisa. Balun dala ruma involve iha atividade partidaria, ou asuntu seluk grupu balun,  prosesu  ita halo maibe,  desizaun ikus ne’e iha tribunal  katak, konsellu superior, konsellu  ne’ebé boot. Alende Komandante jerál , 13 Komandante 13 munisípiu no 13 unidade ne’ebé ijisti diresoins  iha  komando jerál sira nia opiniaun,   sira nia ideas atu hola sansaun disiplinar ruma  ne’e mós tribunal mak ikus liu”,esplika Komandante Jerál PNTL Komisariu Faustino da Costa, liu husi  grande intervista Kinta (28/03/19) iha studio 2  GMN Bebora Díli.

Entretantu Dekretu Lei no. 13/2004:   ne’ebé mak koalia kona-bá (Regulamentu Disiiplinar ba Polísia Nasionál Timor-Leste.avi


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker