GMN TV Justica e Segurança Lere preokupa la’os sidadaun Timor sai membru F-FDTL ■Maternus Bere nia oan hetan bolsu estudu

Lere preokupa la’os sidadaun Timor sai membru F-FDTL ■Maternus Bere nia oan hetan bolsu estudu

0 views

Xefe Estadu Maior Jeneral F-FDTL, Major Jeneral Lere Anan Timur, preokupa ema la’os sidadaun Timor-Leste tama ona iha Instituisaun F-FDTL.

 “Ita haree agora, Timor duni maibe la’os sidadaun Timor-oan, inan aman dala ruma sidadaun Indonesia, e ita nia lei la admite, kriteriu tama forsa la admite, ema estranjeiru labele tama, Timor balun mós sai ona sidadaun Indonesia, dala ruma ita preokupa,” deklara, Major Jeneral Lere Anan Timur ba Jornalista sira, Kuarta (20/03/2019), iha Palasio Prezidensial Nicolao Lobato, Bairu Pite-Dili.

Major Jeneral Lere Anan Timur mos lamenta sidadaun Indonesia ne’ebe fila mai Timor sira komesa servisu iha fatin ne’ebe sira lá merese atu servisu.

“Ita nia maun-alin sira ne’ebé sai ona sidadaun Indonesia atu fila fali mai Timor ne’e komplikadu, prosesu ne’ebé naruk la halimar. entaun balun haruka nia oan sira mai Timor, i kuandu mai timor ne’e ita fasilita malu, sira komesa servisu iha fatin ne’ebé la podia servisu ba,” hateten, Lere Anan Timur.

Veteranu FALINTIL nee fó ezemplu iha Forsa Armadas, balun inan aman iha Atambua, entaun kriteriu no sistema fraku, entaun ita fasilita malu.

“Ha’u deteta ona balun, ha’u hatete ba sira, imi nia kareira ne’e to’o deit iha ne’e labele liu, sei ohin o Alferes o to’o deit Alferes deit ona, sei Tanente koronel ó to’o deit iha ne’e ona,” afirma Lere Anan Timur.

Komandante F-FDTL ho diviza fitu rua nee hateten Timor tenke hanesan ne’e, ita limita, tanba sira nia regalias balun ita lá admita, pur-ezemplu ita nia kolega sira ne’ebé sira nia inan aman sakrifika nia án ba rai ida ne’e, sira nia oan sei moris marzinalizadu Estadu seida’uk tau matan.

Lere Anan Timur mos rekoñese sidadaun hotu iha direitu atu sai Forsa Armadas, maibé tenki tuir kritériu sira ne’ebé instituisaun militar estabelese.

Lere  Anan Timur esplika durante tinan rua ou tolu nia laran ne’e, F-FDTL seida’uk halo rekrutamentu ba membru foun, tanba F-FDTL sei kria kritériu ne’ebé rigorozu antes halo rekrutamentu ba membru forsa foun.

Ho kriteria ne’ebe rigorozu atu bele garante estabilidade institusionál, tanba FALINTIL mak embrio ba Forsa Defeza Timor Leste(FDTL).

Maternus Bere nia oan hetan bolsu estudu

Major Jeneral F-FDTL nee mos dehan ema sira ne’ebé uluk lakohi ukun rasik an no hela iha Indonesia, tanba sira mai ladiak, maibe sira haruka sira nia oan mai timor buka servisu iha timor.

“Sira ne’ebe uluk sira nia inan aman lá terus ba rai ida n’e ohin loron moris diak, pur-ezemplu Maternus Bere, nia oan agora doutor, tuir bolsu estudu iha Kuba, agora ba tan hasai espesialidade, ida ne’e kria fatór instabilidade ba ita nia rain”,dehan Lere Anan Timur.

Xefe Estado Maior Forsa Armada nee hatete nia oan aban bainrua ema labele tebe nia kidun.

“ Haree keta aban bairua ema tebe imi nia oan nia kidun, ha’u nia oan ema lá tebe nia kidun, maibe ema atu orienta sira mak laiha karik”, dehan Lere. Eus


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker