GMN TV Justica e Segurança Mandatu Julio Hornay besik remata, Hein desizaun husi Filomeno Paixão

Mandatu Julio Hornay besik remata, Hein desizaun husi Filomeno Paixão

0 views

Primeiru Ministru (PM), Taur Matan Ruak hateten, kona ba mandatu Komandante Jeral  Polísia Nasionál Timor-Leste (PNTL), Komisáriu  Julio Hornay nian besik remata ona, Xefi Governu hein de’it desizaun husi Ministru Interinu Defeza no Seguransa, Filomeno Paixão.

“Ministru mak sei trata ida ne’e, Ministru Defeza Interior mai imi bele husu ida ne’e ba nia, tanba buat hotu ne’ebé sei to’o iha Konsellu Ministru, no Primeiru Ministru ne’e, Ministru Defeza naturlamente sei fó nia opiniaun”, dehan Taur Matan Ruak ba Jornalista sira Kinta (07/03/2019), iha Palásiu Prezidensial Nicolau Lobato Bairo Píte Díli.

Alende ne’e, Komisáriu Julio Hornay mós hateten, nia mandatu sei remata iha loron 27 Fulan  Marsu, tanba  kompleta ona tinan 4. Ida ne’e tuir lei rohan mak ne’e, no agora husi 28 de Marsu ba oin, ne’e kompetensia nai ulun sira nian, Governante sira mak atu desidi, kona ba mandatu ida ne’e”, relata Julio Hornay.

Komisáriu PNTL ne’e esklarese, asuntu ida ne’e nia entrega ba Governu mak bele deside, tanba kompetensia Governu nian.

“Ami prontu atu simu, kuandu bainhira fó no tempu to’o ona, ami entrega fila fali ba ita-nia Governante sira, tanba sira mak iha komptensia atu desidi, ami  hanesan Timor-oan,  nu’udar superior PNTL, servisu ba nasaun ne’e laiha limitasaun ba tempu, so  ita reforma tiha ona, ita fila ona ba vida sívil ne’e hotu ona, mas ne’e mandadu polisia mak hotu, maibé nu’udar Timor oan, kontribui nafatin ba servisu Estadu ninian, ita kontinua nafatin to’o ita mate”, katak Julio Hornay.oly


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker