GMN TV Justica e Segurança Oho malu iha Uatulari, Nain ida mate, haat kanek todan

Oho malu iha Uatulari, Nain ida mate, haat kanek todan

0 views

Joven ida ho identidade kompletu Rosito João  Bosco hetan  oho  husi família rasik, hafoin partisipa seremonia sau batar tinan nian iha uma lulik ida iha   Aldeia Ulusu, Suku  Matahoi, Postu Administrativu Uatulari, Munisípiu Viqueque.

Komandante  Investigasaun Munisípiu Viqueque  Inspetor  Paulino  Freitas Soares haktuir  kronolijia husi akontesimentu ne’e katak, kazu  homesidu  akontese iha Uatulari, antes  ne’e  vítima Rosito João  Bosco  tinan 31  husi Munisípiu Baucau Triloka  ba sau batar  iha Uatulari, iha   Segunda (11/03/19) tuku 7 kalan, oras Timor-Leste,  iha kalan ne’e  vítima  hetan moras  uma lisan sae nia alias bulak, vítima Rosito foti  diman uma lulik nian  hodi hakanek nia maun alin sira.

Ema sira  kanek ne’e hamutuk nain haat. Tanba  sira nain  haat kanek  ona  entaun entre sira nain haat  ida  mak losu fali diman husi  nia isin hodi sona fali vítima  to’o mate. Vítima Rosito ho sira mesak maun alin no família  de’it.

Durante ne’e Rosito ho ninia inan-aman sira hela de’it iha  Baucau Triloka, entaun  tempu sau batar sira mai iha Uatulari akompaña hodi sau batar Wainhira seremonia kultura ne’e liu tiha mak akontese oho malu  ne’e.

“Ema nain haat  kanek  ne’e, nain tolu  tratamentu iha Sentru Saúde Uatulari, tanba  ne’e mak ami halo hela aprosimasaun para  halo identifikasaun ba  sira,   suspeitu oho vítima aviaun tula liu ba iha Dili   tanba  hetan sona ho diman  husi matebian   Rosito”,esplika  Komandante Investigasaun Munisípiu Viqueque  Inspetor Paulino Freitas Soares, ba GMN Kuarta (13/03/19) via telefoni.

“Matebian  Rosito João Bosco,  wainhira hala’o tiha ona autopsia  iha Tersa (12/03/19) iha Hospital Nasionál Guido Vadares (HNGV), depois hotu tiha  investigador sira lori ba intrega kedas família  iha Baucau hodi halo seremonia funebre”, Paulino  Freitas Soares.

Waihira husu joven ne’e  mate ne’e foin husi Korea mai Timor-Leste? Responde ba kestaun ne’e, Paulino  Freitas Soares, seidauk hatene  informasaun lolos vítima Rosito João Bosco, foin fila husi Korea ka lae.

“Ne’e ami la hatene, wainhira ami hetan ona vítima ninia família no inan-aman sira  parese ninia inan-aman sei hatene liu nia foin mai husi Korea ka lae”,Paulino  Freitas Soares.

Enkuantu tuir lei armas brankas númeru 5/2017 bandu ema kaer sasan kroat hodi hakanek no oho ema seluk.avi


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker