GMN TV Justica e Segurança Pakote rua ba KomJer PNTL, Faustino ho Mateus kompete Hornay ho Afonso

Pakote rua ba KomJer PNTL, Faustino ho Mateus kompete Hornay ho Afonso

0 views

Konsellu Superior Seguransa, Segunda-feira liu ba nee entrega kandidatu Komadante Jerál (KomJer) Polisia Nasional Timor Leste (PNTL) ho pakote rua (2) ba Ministru Defeza no Interior Interinu, Filomeno Paixão.
Husi pakote rua nee, Pakote primeiru, atual Komisariu Julio Hornay ho Afonso dos Santos, atual komandante Corpo Seguransa Pesoal (CSP) no pakote segundu, atual adjuntu Komiasriu Faustino da Costa ho Mateus Fernandes, atual xefi administrasaun PNTL.


Ministru Defeza no Interior Interino, Filomeno Paixão hateten, pakote rua nee nia sei analiza didiak no sei aprezenta deit pakote ida ba Konsellu Ministru.
“Pakote rua hanesan ministru ha’u tenke tein tasak mak ha’u hasae bá iha Konsellu Ministru, entaun ha’u hasae pakote ida deit, ha’u labele dehan sai lai Konsellu Ministru desidi mak aban ka bainrua imi sei hatene,” promote Ministru Defeza no Interior Interino Filomeno Paixão, ba jornalista sira, Tersa (12/03/2019), iha Palasio Prezidensial Nicolao Lobato, Bairo Pite, hafoin enkontru ho Prezidenti Repúblika.
Governante nee dehan pakote rua ne’ebe nia parte simu iha loron Segunda (11/03/2019), maibe pakote ida mak sei avansa hodi lidera instituisaun PNTL.
Filomeno Paixão esplika rekezitus ne’ebe tenke prense mak tenke deviza Superintendente Xefi to’o tinan hát ona hanesan forsa nian Coronel, nomos tenke kursu defeza seguransa nian.
Tanba nudar Komisariu tenke hatene konseitu husi seguransa no defeza no mos iha esprensia hodi nune’e iha ekontru ruma bele fasil hasai diretiva ka foti dezisaun ruma.
Eis Vise Xefe Estado Maior Forsa Armada nee aprofunda katak laiha kandidatu feto iha pakote rua ne’e, tanba lá priense kriterius.
“Infelismente iha polisia seda’uk iha tantu iha PNTL no Defeza ne’ebe seda’uk to’o deviza superintendente xefe ha’u hanoin tinan lima oin mai bele iha,” esperansa Ministru.
Lei bandu diviza kiik la sa’e ba KomJer PNTL
Tuir rejimi promasaun númeru 16/2009, ba ema ne’ebé mak atu promove ba Komandante Jéral (KomJer) Polísia Nasional Timor-Leste (PNTL) ho Segundu Komandante Jéral ténki ho diviza Superintendente Xefe.

“Potensia ba Komandante Jéral no Segundu Komandante Jéral tuir dadus ne’ebé mak ita iha rezimi promosaun númeru 16/2009, ne’ebé koalia kona-ba ema ne’ebé nomea ba Komandante Jéral no Segundu Komandante Jéral, minimu sira nia postu ténki superintendente Xefe. No ema ne’ebé ho postu Superintendente Xefe minimu ténki tinan rua.”,esplika Diretor Ezekutivu Fundasaun Mahein, João Almeida, ba jornalista sira Tersa (12/03/19), iha Fomento, Díli.

Nune’e iha rekejitus, ténki halo avaliasaun kurikular, nune’e mós haree ba komportamentu disiplinar .

“Agora iha figura ne’ebé mak iha PNTL nia laran ita haree katak iha nain 13, inklui Komisariu Afonso de Jesus, Komisariu Julio Hornay, no Komisariu Faustinho da Costa, Superintendente Xefe iha nain 10, sira nain 10 bele sai Komandante Jéral no segundu Komandante Jéral, maibe kompetensia atu nomeia mak Konsellu Ministru”,dehan João Almeda.

Enkuantu dadauk ne’e, feto ativu iha instituisaun PNTL, ho de’it diviza Superintendente, seidauk iha Superintendente Xefe. Tanba ne’e seidauk bele priense rekezitu ne’ebé apropriadu.

Haree ba naran ne’ebé mak Konsellu Suprior PNTL ne’ebé mak diskuti kleur ona seidauk públika ba públiku? João Almeda hatan, la presiza hein Konsellu Superior PNTL, tanba enkontru Konsellu Superior ne’e atu halo de’it pareser i kompetensia atu halo nomeasaun ne’e mak kompetensia Konsellu Ministru.

Tanba ne’e tuir dekretu lei númeru 16/ 2009, rejimi promosaun PNTL nian ne’e autoridade ne’ebé iha kompetensia halo nomeasaun no Segundu Komandante Jéral PNTL Konsellu Ministru. Konsellu Ministru halo nomeasaun ne’e tuir proposta Ministru ne’ebé kaer pasta seguransa nian, maibe akompaña mós pareser, hafoin simu pareser husi Konsellu Superior. Tanba ne’e Ministru Interior Interino bele halo ona proposta ba Kosellu Ministru hodi halo desizaun .

Depois husi ne’e mak hodi hein prosesu Konsellu Superior Polísia bele hato’o pareser, la signifika katak, Konsellu Superior nia pareser ne’e influensia direta Konsellu Ministru nian, Konsellu Ministru Ministru Interior Interino bele halo ona proposta.eus/avi


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker