GMN TV Justica e Segurança PNTL kaptura suspeitu deskonfia oho Tan Lin Xue

PNTL kaptura suspeitu deskonfia oho Tan Lin Xue

0 views

Polísia Nasional Timor-Leste (PNTL) husi Batallaun Orden Públika (BOP) kaptura ona suspeitu ne’ebé deskonfia oho sidadaun Xinés, Tan Lin Xue foin lalais iha Hudi-Laran, Dili.

Suspeitu inisál AM ne’ebé deskonfia oho sidadaun Xinés  ne’e polisia kaptura iha Tunubibi, Munisípiu Bobonaro, mais ou menus tuku 12 meudia.

Hafoin polisia kaptura evakua kedas vitima mai kuartel Jéral PNTL seksaun Servisu Investigasaun Kriminal Nasional (SIKN) hodi halo investigasaun.

Hafoin investigasaun Komandante SIKN, Superintendente Jorge Monteiro, hateten SIKN kontinua halo investigasaun ba suspeitu nune’e bele hatete motivu husi kazu asasinatu ne’e.

“Klaru que akontesimentu ne’ebé akontese iha dia 25 de Marsu de 2019 ne’ebé que resulta sidadaun Xinésa ida. Duotor espesialista interna  nia ne’ebé que akontesimentu ne’e mais ou menus tuku 1 madruga atu ba tuku rua”, Dehan Jorge Monteiro ba jornalista sira iha nia kna’ar fatin Kuartel Jéral PNTL Kaikoli Dili Kinta-feira (28/032019).

Komandante ne’e esplika, akontesimentu ne’ebé iha hudi laran iha hotel Hongkong nia oin, depois akontesimentu ne’e Servisu Investigasaun Kriminal hala’o hela prosesu no husi resultadu servisu sira ne’ebé mak iha ita konsege identifika suspeitu ne’ebé deskonfia komete kazu asasinatu ne’ebé akontese foin lalais ne’e.

“Klaru que mandadu judisial ne’ebé mak iha ita nia liman, ita dezenvolve hodi ezekuta mandadu ne’ebé que iha ita nia liman, maibe ohin loron suspeitu nain 3 ne’ebé ita identifika balun iha ona SIKN nia kontrola, maibe polisia hala’o servisu namanas hela iha terenu hodi buka tuir suspeitu sira ne’ebé komete kazu omesidiu ne’e”.

Komandante ne’e mós promete katak,  sei kontinua buka tuir suspeitu sira ne’ebé komete kazu asasinatu refere no garante katak sei kaptura hotu suspeitu hotu ne’ebé komete kazu asasinatu ne’e.

Nunee mos Komandante Jerál Polisia Nasional Timor – Leste, Komisariu Faustino da Costa, iha Sesta-feira nee promote katak iha tempo badak Polisia sei kaptura autór nebe ho sidadaun xinéza nee.

“Hau dehan deit ne’e tempu mak sei termina bele orsida, aban ou fulan oin”, Komandante Jerál PNTL Komisariu Faustino da Costa hafoin enkontru loron dahuluk ho Prezidenti Repúblika Francisco Guterres Lú Olo iha Palasio Prezidensial Nicolau Lobato, Bairu Pite,.

Entretantu, kazu ne’e akontese iha Segunda (25/03/2019) tuku 02:00 Otl madrugada.

Ne’ebé komunidade balun iha Bairu Pite, hetan mate isin latan hela iha estrada ninin, nune’e informa kedas ba parte Polisia Nasional Timor Leste.

Polisia Patroliamentu Munisipiu Dili to’o iha fatin akontesementu iha tuku 04:00 Otl, hodi dada kedas Liña Polisia iha fatin akontesmentu no evakua kedas mate isin ba mortuariu Hospital Nasional Guido Valadares hodi submete ba autopsia.

Sidadaun Xineza ne’ebé mate ho naran Tan Lin Xue durante ne’e servisu hanesan dotor espesialista iha klinika Baillin - Fatuhada.

Enkuantu, lei númeru 5/2017, armas brankas bandu ema kaer sasan krota hodi hakanek ema ninia vida. Tanba nee Polisia Nasional Timor Leste  kontinua buka autor sira ne’ebé mak involve iha kazu homesidu ne’ebé akontese iha diresaun hudi laran, Bairu Pite. Aes/Eus


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker