GMN TV Justica e Segurança VCLN husu MJ oferese Camp Phoenix sai sentru memorial istória

VCLN husu MJ oferese Camp Phoenix sai sentru memorial istória

0 views

Veteranus e Combatentes da Libertasaun Nasional (VCLN) husu ba Ministériu Justisa (MJ), atu aloka ou oferese Camp Phoenix (gedung DPRI antigu-red) ba veteranus sira hodi rehabilita no hari’i sentru memorial ba ístoria, tanba antes ne’e fatin refere uza nu’udar baze ba forsa paz husi nasaun Australia ne’ebé hola parte iha ístoria Timor-Leste (TL).

“Ami apela ba MJ atu aloka Camp Phoenix mai ami hodi prezerva no proteze liu husi rehabilitasaun hodi hari’i sentru vizitante no memorial nasional ba Timor-Leste no International Force for East Timor (INTERFET) no sei sai fatin turizmu istóriku ba komemorasaun no koordenasaun asuntu veteranus, tantu veteranus husi Timor-Leste no rai sira seluk hodi hametin relasaun umana no haburas turizmu istóriku no solidariedade internasional, tanba dau-daun ne’e fatin refere abandona de’it”, porta voz VCLN, Jorge Alves liu husi konferensia imprensa ne’ebé hala’o iha Muzeu Rezisténsia-Díli, Kuarta (20-03-2019).

Jorge Alves informa, fatin refere sei rehabilita hodi hari’i sentru vizitante, muzeu funu, jardin memorial, sentru asuntu veteranu, akomodasaun, restaurante no sentru formasaun ne’ebé sei utiliza iha tinan 2024.

“Fatin ne’e ita sei uza hodi hatudu informasaun kona-bá fatin turizmu istóriku iha Timor-Leste no hatudu mós kona-bá segunda guerra mundial, inklui sai hanesan sentru formasaun, hodi hanorin turista istóriku sira kona-bá lian no abilidade ba veteranu no sira nia família”, esplika Jorge.

Entretantu tuir planu fatin refere sei rehabilita husi veteranu nasional no internasional sira, hahú iha tinan 2020 no sei utiliza iha tinan 2024. ita


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker