GMN TV Justica e Segurança Ajénsia Timor-oan lamenta atendimentu servisu Migrasaun

Ajénsia Timor-oan lamenta atendimentu servisu Migrasaun

0 views

Ajénsia Timor-oan sira lamenta servisu Migrasaun ne’ebé la atende vistu traballu ba ema estranjeiru ne’ebé mak atu mai investe iha Timor-Leste.

Iha Tersa loron Sanulu  fulan  ne’e ajénsia Timor oan sira konsentra iha edifisiu Ministériu  Interiór hodi hatoo sira nia lamentasaun ba  servisu Migrasaun ne’ebé mak  kria sistema oin-oin  hodi la halo atendimentu ba ajensia sira nia dokumentus wainhira atu hasai vistu traballu ba ema estranjeiru sira, ne’ebé mak atu mai investe iha nasaun ne’e.

Lucas Pereira Soares dos Reis  husi Ajénsia Manubu hateten, bainhira sira nia preokupasaun ne’e, servisu Migrasaun la atende sira sei hatoo Ministru Interiór Filomeno Paixão atu foti desizaun ruma.

“Ami ajénsia Timor oan hetan autorijasaun   para atu trata dokumentus depois ami kontribui taxa  des pursentu ba governu. No  ami sira ajénsia  ne’e mesak timor oan  hotu kedas, ema sira estranjeiru sira fó dokumentus mai ami, agora sé mempersulita ami hanesan ne’e ami atu hetan osan husi ne’ebé atu bele sustenta ami nia nesesidade  uma laran”,eplika Lucas Pereira Soares dos Reis, ba  GMN, Tersa (10/03/20), iha edifisiu Ministériu Interiór Villa-Verde Díli.

Nia dehan, nusa mak servisu Migrasaun la kria tok sistema  ida hodi  hafasil  ema estranjeiru mai  iha  ne’e  atu  trata sira nia vístu traballu.

“Agora  ita atu  trata  vístu traballu  ténki  hatama tan pedidu, agora ema sira  prontu mai iha ne’e hakarak lolobora”,dehan  Lucas Pereira Soares dos Reis.

Responde ba preokupasaun ne’e, Diretór Nasionál Servisu Migrasaun, Agostinho Gomes, hateten, sei la  autóriza ajénsia ka broker sira atu hasai vistu traballu  ba ema estranjeiru  ne’ebé mak atu mai investe iha nasaun ne’e.

“Iha lei sé mak atu mai trata vistu traballu nia rasik mak mai  hatama aplikasaun iha Migrasaun, la’os liu fali husi ajénsia ou broker sira”, dehan Agostinho Gomes.

Nia dehan, ema estranjeiru ne’ebé mak hasai vistu traballu ho folin dolar atus ida, la’os atus lima ka rihun ida dolar Amerikanu.

“Iha nasaun ne’e ema hotu tenke la’o tuir lei, la’os ema invidual ida mai obriga hodi la’o tuir hakarak  obriga servisu Migrasaun ne’e mak lae”,dehan Agostinho Gomes.

Agustinho Gomes akresenta, ema estranjeiru ne’ebé mak atu hetan vistu traballu ténki  ho espesialidade ne’ebé mak sidadaun  Timor-Leste seidauk, hanesan asesor no arkitetu no espesialidade médiku,  no sira seluk tan, la’os atu mai fase bikan no rega aifuan,  Timor oan iha tiha ona.avi


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker