Polísia Nasional Timor-Leste (PNTL) trava sidadaun balun tenta lori motorizada atravesa rezidénsia Prezidente Repúlika (PR), Francisco Guterres Lú Olo nian iha Palapasu.
Maske estrada diresaun husi Palapasu liu ba Prezidente Repúblika, Francisco Guterres Lú Olo nian ne’e taka ba públiku atu atravesa, maibé iha loron Segunda (17/03/20), ema balun laiha konsiénsia ho motorizada tenta tama liu husi areádor Prezidente Repúblika nia rezidensia Palapasu, maibé PNTL konsege hapara hodi haruka liu husi estrada parte tasi ibun.
Tanba ne’e, Komandante Armando Monteiro husu ba sidadaun sira atu respeita sinais tránzitu ne’ebé mak tau estrada, tanba sinais sira ne’e reprezenta Polísia nia prezensa iha terenu.
“Iha área Palapasu ne’ebá ita nia Prezidente hela iha ne’ebá, kuandu tuku 6 ba leten ita nia seguransa taka tiha fatin refere, maibé movimentu komunidade husi Farol atu ba Komoro sempre liu husi ne’ebá, wainhira hetan sinais tránzitu ne’ebé mak monta sira hakfodak dala ruma sira balun tenta atu liu husi ne’ebá, tanba iha fulan rua liu ba ita kaptura na’in tolu, tanba tenta halai besik tiha rezidensia ita kaptura hodi submete ba prosesu, depois horikalan sira liu husi ne’ebá, maibé ita nia seguransa Unidade Polísia Espesial akompaña hodi halo medida no orienta fali ema sira liu husi área tasi ibun ninian”,esplika esplika Komandante PNTL munisípiu Díli Superintendente Xefe Armando Monteiro, ba jornalista sira Tersa (17/03/20) iha Caicoli Díli.
Seguransa ne’ebé mak koloka iha Palapasu hodi garante seguransa ba Xefe Estadu nia rejidensia husi membru Unidade Espesial Polísia no eskoltu husi membru F-FDTL.avi
