GMN TV Justica e Segurança José Ximenes: MP deteta Alfándega-MT sai risku ba krime

José Ximenes: MP deteta Alfándega-MT sai risku ba krime

Prokuradór Jeral Repúblika (PJR), José da Costa Ximenes, informa, husi Ministériu Públiku (MP) deteta ona katak fatin risku ba krime sira mak hanesan Alfándega, no Ministériu Turizmu (MT), tanba ladun halo kontrolu  máximu ba sasán illegal sira, no jogu ilegal sira ne’ebé eziste tama iha Timor- Leste.

“Buat ne’ebé ami detekta fatin sira ne’ebé risku, para ita análiza hamutuk oinsa bele kombate tamba ita la koalia deit ba krime, maibe fatin sira ne’ebé mak risku no oinsa estratejia ba kombate fatin risku ba krime sira ne’e”,haktuir José da Costa Ximenes ba Jornalsita sira Segunda (09/03/2020) iha Palásiu Prezidensial Nicolau Lobato, Bairo Píte, Díli.

Nia esplika, sira tau iha primeiru Instituisaun sira ne’ebé iha risku mak iha Ministériu Finansa Diresaun Jeral Alfándega, iha ne’ebé haree Diresaun Jeral Alfándega ne’e iha risku tebes tanba sira mak kontrola sasán tama no sasán sai, iha sasán barak tama illegal mai Timor mos ultrapasa husi Alfándega, hanesan kareta barak  ne’ebé ultrapasa husi fronteira, tama iha Timor nómeru matríkula  iha hotu ona.

“Ita la dehan ema hotu iha Alfándega ne’e  ema hotu ladiak, barak  servisu diak tinan ba tinan to’o ohin loron, mas barak iha problema, tantu ida ne’e ami tenta koloka katak diresaun ida ne’e iha risku bo’ot bele estraga  ita-nia ekonomia País nian, ita tenke kontrola didiak sasán tama no sai, informa Prezidente no sei informa Parlamentu Nasional, ida  ne’e risku Timor-oan tenke hamutuk atu kombate, la bele entrega deit ba Ministériu Públiku ho Alfándega, maibe ita fó suporta ba Alfándega para halo knaar ho didiak”,subliña José.

José Ximenes mos salienta liu tan, iha parte segundu lugar sira haree katak Ministériu ida ne’ebé mos iha indikasaun bele problema barak mak Ministériu Turizmu, liu liu sira ne’ebé kontrolu jogu no Kasino sira iha Timor, iha ne’ebé seidauk regula ho didiak.

“Tinan 2018  ha’u hetan konvite ida ba  Macau, iha  Macau sira nia Kasino mak fo suporta ba orsamentu Macau ninian, ita nian iha Timor ita bo’ot sira hatene rasik 2012 to’o 2014 kuaze funsiona illegal deit, depois iha 2016 mak iha Lei kona-ba jogu ne’e”,hatutan nia.

Líder másimu Ministériu Públiku ne’e realsa, ida ne’e hanesan aviza ida para kontrolu,  tanba sira hanoin iha krime oin-oin, inklui brankeamentu mos  iha laran.

“Seluk-seluk iha laran, ne’e Ministériu ida ne’e tenke tau matan ba ida ne’e, enkuantu sira haree mos kazu seluk risku mak atividade artemarsiais sira tenki iha kontrolu didiak husi parte kompetente no risku seluk tan”,dehan José Ximenes.Oly


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker