Joven ida ho inisiál GDJ Segunda (02/03/20) dader, hurlele veteranu Reis Kadalak to’o ran-sulin husi nia oin, hafoin deskonfia Reis Kadalak baku uluk abitante ida ho naran Francisca de Jesus iha Bairu-Pité.
Komandante PNTL munisípiu Díli Superintendente Xefe Armando Monteiro, esplika, kazu ne’e submete ona ba prosesu investigasaun iha Eskuadra Dom Aleixo munisípiu Díli.
“Kronolojia akontesimentu ida ne’e, wainhira vítima ida lori nia sasán liu husi vítima RK nia uma oin, depois sira mesak família bairu viziñu husi dada argumentu, husi argumentu ida ne’e, vítima Reis Kadala la satispas nia basa vítima R, entaun vítima R haree ba Reis Kadalak nia atendementu ida ne’e, vítima ba hatoo keisa iha Unidade Espesiál da Polísia. Alende ne’e nia ba hatoo keisa vítima nia oan ho inisial R ne’ebé mak agora dadauk iha Eskuadra Dom Aleixo mai halo agresaun tan señor Reis Kadalak”, esplika Komandante PNTL munisípiu Díli Superintendente Xefe Armando Monteiro, ba jornalista sira Segunda (02/03/20) iha Kuartel PNTL munisípiu Díli.
Armando Monteiro akresenta, parte rua lakohi prosesu kazu ne’e ba oin, tanba konsidera familia nomós viziñu relasaun família nomós viziñu iha bairu ne’ebá, maibé Polísia bolu ona parte rua hodi husu informasaun.
Tuir informasaun Polísia Veteranu Reis Kadalak hala’o ona tratamentu ba nia kanek iha parte ren tos. No vítima Francisca de Jesus hetan baku kanek iha ibun.avi
