GMN TV Justica e Segurança Lakohi koopera, patrimoniu Estadu prende kareta MEJD 13

Lakohi koopera, patrimoniu Estadu prende kareta MEJD 13

0 views

Ministra Edukasaun Juventude no Desportu (MEJD), Dulce de Jesus Soares rekoeñese kareta 13 ne’ebé patrimoniu Estadu prende iha loron 6, fulan fevereiru ne’e, tanba utilizador sira uza husi primeriu Governu, maibé lakohi kopera hodi entrega fila-fali.

“Kareta sira ne’e desde Primeiru Governu Konstituisional liu husi projetu Banku Mundial ne’ebé fo apoiu ba Governu desde UNTAET ne’ebé iha kareta no motorizada, iha tinan 2013 kuandu projetu ne’e hotu entrega mai Governu no kareta sira ne’e nafatin iha pesoal sira ne’ebé uluk sira hanesan tekniku ka enjineriu sira ne’ebé servisu iha projetu ne’e, entaun iha 2017 iha enjineiru 12 mak iha momentu ne’ebá la halo extensaun ba sira nia konratu no sira la kontinua servisu iha MEJD no infelizmente momentu ne’e kuandu sira sai sira la entrega fali,”dehan, Dulce de Jesus iha salaun INFORDEPE, Kuarta (11/03/2020).

Dulce esplika, iha Fevereiru 2018, MEJD haruka ona karta ba utilizador  sira hodi entrega kareta sira ne’e maibé sira la entrega ho razaun oin-oin, no to’o Dezembru 2018, MEJD liu husi inspesaun jeral halo investigasaun ida klean ba pesoal sira ne’ebé mak lori kareta no relatoriu investigasaun kompletu ne’ebé agora entrega ona ba patrimoniu Estadu.

Kareta hirak ne’e nu’udar doasaun husi Banku Mundiál ba Ministériu Edukasaun maibé utilizadór iha Ministériu Edukasaun la rejista iha Patrimonia Estadu nu’udar kareta Estado.

“Kareta sira ne’e iha sira maibé laos sira muda xapa govenru ba privadu no kareta sira ne’e iha inisiu laos iha xapa governu nian kedas, kontente tebes Patrimoniu Estadu atu foti kareta sira ne’e tanbá Ministeriu halo notifikasaun dala rua maibé utilizador sira la kumpri,” dehan, Governante ne’e.

MEJD mos iha koperasaun ho parseiru sira hodi halo identifikasaun fali wainhira kareta muda mai Governu tenke muda xapa ba Governu atu labele akontese tan problema hanesan ne’e.

Antes ne’e, Pontu vokál  KAK, Euclides Madeira hateten, bainhira utilizadór sira uza kareta hirak ne’e no komete krime ruma sei submete ba prosesu investigasaun.

“Aproximasaun halo kleur ona ba utulizadór sira, maibé lakohi koopera, sempre demora hela de’it sasan sira ne’e, entaun ne’e mak ohin diretamente ita mai foti patrimoni Estadu sira ne’e.Orsida prosesu kontinuasaun hein relatóriu husi servisu konjunta  sei fó ba entidade ida-idak husi ne’ebá mak  ita haree, posibilidade iha krime ruma karik durantu utuliza patrimonia Estadu sira ne’e, depois ita sei prosesu,” esplika, Euclides.

Entretantu ekipa konjunta nia servisu la’ós  rekolla de’it ba karreta hirak ne’ebé hetan apoiu husi doadór sira iha ministériu edukasaun maibé sei hala’o mós ba ministériu sira seluk hodi  buka identifika karreta estadu nian ne’ebé mak utulizadór sira uza ho xapa matrikula privadu.Ida


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker