Xefe Estadu Maiór Jenerál F-FDTL Majór Jenerál Lere Anan Timur husu Primeiru Ministru Taur Matan Ruak atu suspende aktividade servisu provejoriu hodi mobiliza funsionáriu sira halo limpeza iha Díli laran, hafoin udan bo’ot iha loron hirak liu ba hodi implika sasán barak hetan estragus.
Lere dehan, membru F-FDTL sira halo ona limpeza ba komunidade sira nia uma ne’ebé mak afetadu inklui eskola sira, maibé servisu sira la’o lais liu governu provezoriu suspende aktividade hodi mobiliza funsionáriu sira apoiu limpeza iha Díli laran.
“Ha’u bele husu primeiru ministru kansela temporariamente aktividade governu hotu-hotu mai fó limpeza ne’e karik diak, mas ha’u hanoin kompeténsia Primeiru Ministru ninian, kompeténsia Prezidente Repúblika ninian, ha’u nia kompeténsia mak mobiliza ha’u nia forsa mai ona ne’e, ha’u haruka sira para loron ida rua ka tolu áte sidade Díli mós sira foin fila-fali ba servisu”, esplika Xefe Estadu Maiór Jenerál FALINTIL –Forsa Defeza Timor-Leste (F-FDTL) Majór Jenerál Lere Anan, ba jornalista sira Segunda (16/03/20), iha My Friend Balide Díli.
Alende ne’e komunidade uma kain 1105 mak hetan afetadu no ema hamutuk 6700 iha Suku sira iha Díli laran.avi
