GMN TV Justica e Segurança Maske TL rejista COVID-19, Tribunál kontinua hala’o servisu

Maske TL rejista COVID-19, Tribunál kontinua hala’o servisu

Tribunál Distritál Díli (TDD), iha Segunda, loron 23, fulan ne’e, hatun ona despaixu liu husi Juíz Administradór katak, ohin (24/3) kontinua servisu hanesan bai-bain.

Juíz Administradór Afonso Carmona, hateten, maske informasaun ne’ebé espalla iha públiku kona-bá kazu COVID-19, ne’e deskonfia suspeitu ida iha ona Timor-Leste (TL).

Maibé, Afonso akresenta, ne’e kompeténsia Ministériu Saúde (MS) ni’an, hodi deklara ba públiku relasiona ho teste diagnóstiku ne’ebé parte ministériu halo ona.

“Ita akompañia situasaun, tanba moras corona iha ka laiha ne’e kompeténsia MS ni’an sei avizu nia rezultadu, tanba hanesan MS públika tiha ona katak corona depois ikus mai la’e? ida ne’e signifika ita-nia desizaun ne’e ema dehan prematur, kualker ema boot ida mak deside maibé nia tenke ser hatene ninia rezultadu no la’ós atu ko’alia de’it, tanba ida ne’e interese públiku, nune’e bele halo ema ne’ebé la ta’uk bele sai ta’uk no ema bele mate tanba ita-nia liafuan. Ohin ne’e sira tenke hala’o ona servisu hanesan bai-bain, tanba ne’e, ohin ha’u halo despaixu ida ne’e para sira-nia servisu efetivu no ida ne’e, ha’u ezekuta ordem husi konsellu”, Juíz Administradór ne’e.

Afonso akresenta, TDD hala’o nafatin julgamentu hanesan bai-bain, maibé iha mudansa ba prosesu julgamentu juíz koletivu ni’an.

Tanba relasiona ho juíz na’in lima (5) ne’ebé remata ona formasaun komplementár iha Portugál, nune’e hala’o servisu hanesan bai-bain iha TDD, Tribunál Munisipál Baucau no Tribunál Rejiaun Administrativa Espesiál Oe-Cusse Ambeno (RAEOA).

Entretantu tuir dadus mundiál, totál ema ne’ebé infetadu COVID-19 hamutuk 341,560, husi númeru ne’e mate hamutuk 14,748 no ema hirak ne’ebé konsege rekopera husi COVID-19 hamutuk 99,040. san


Banner

Foto

Notisia Ikus

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...

Lere: FRETILIN seidauk deklara formál ba vítima ne’ebé uluk sira oho

July 29, 2021
Xefe Estadu Maior Jenerál Falintil Forsa Defeza...

Auzénsia dala-rua ba estensaun EE, PN konsidera VIII Governu laiha ona PM

July 28, 2021
Deputadu sira iha Parlamentu Nasionál (PN) kons...
1 2 3 621

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker