GMN TV Capital MS preokupa fronteira terrestre kontinua loke

MS preokupa fronteira terrestre kontinua loke

0 views

Diretóra Jerál Prestasaun Saúde, Ministériu Saúde (MS), Odete Viegas, preokupa ho Fronteira Terestre, ne’ebé to’o oras ne’e sei loke, maske governu fó ona orientasaun atu movimentu iha fronteira, la’o oras rua deit.

“Movimentu liu hosi Fronteira  oras 2 deit, maibé bele lori ona pasajeiru to’o 80 pesoa, ida ne’e difisil atu kontrola no prevene COVID-19 iha Timor”, dehan Diretóra Jerál Prestasaun Saúde, Odete Viegas, ba JN-Diário, Tersa (24/03/2020) iha MS, Kaikoli, Díli.

Diretóra Jerál MS informa, kondisaun iha fronteira la adekuadu atu halo karantina ba pasajeiru sira, ne’ebé tama liu hosi fronteira, entaun tenke transporta hotu sira mai Díli. Agora sei sira mai karantina hotu iha Díli, mak MS sei buka Hotel maibé iha Hotel balun hakarak koopera no balun lakohi koopera.

“ Agora la’os hotu kna’ar MS, atu buka kareta no fatin Hotel sira ba karantina, maibé ida ne’ebé MS nia servisu mak, fokus liu hare oinsa  atu halo karantina no oinsa halo tratamentu ba kazu covid-19, tanba se lae ami mak hare hotu ba asuntu sira ne’e, ida todan bo’ot ida ba MS, tanba ne’e ami hakarak apela ba parte hotu atu koopera malu nune’e bele kombate covid-19 iha Timor-Leste,”afirma Odete Viegas.

Koordenadór Timor Tour and Travel, Ralman Soewarso, hatete ema hotu iha mundu involve no iha pasu atu redus covid-9, hanesan dalan ida mak lock down tanba ne’e desizaun saida mak Estadu Timor-Leste halo ami tenki tuir.

“Ami simu pasaporte Indonezia, ne’ebé mak hakarak fila ba Indonezia, inklui hanesan mós Timor Travel Kupang no Atambua, ne’ebé mak sei simu pasaporte Timor-Leste, ne’ebé hakarak fila mai Timor-Leste, maibé ami hein mós desizaun husi governu nomos instituisaun relevante, karik foti desizaun Fronteira taka ami tenki tuir”.

Koordenadór Timor Tour and Travel,Ralman Soewarso, haktuir iha Segunda (23/03/2020) ajensia Tour and Travel  iha Fronteira Batugade, hahu halo atendimentu ba pasajeiru hahu iha tuku 09.00 toó tuku 12.00, tanba governu fó ona orientasaun atu movimentu iha Fronteira loke oras 2 deit.

“Ne’e duni ami antisipa pasajeirus Timor-Leste, ne’ebé mai husi Kupang sei liu oras, ne’ebé determina mak tenke deskansa iha Atambua no sei aranka iha dader tanba labele tarde iha Fronteira, no iha Domingu semana kotuk  iha pasajeiru hamutuk bus 4 tenke deskansa iha Fronteira tanba tarde no segunda dader mak foin mai Díli”.

Timor travel iha Kupang no Atambua sei la simu pasaporte Xina, Taiwan, Japaun no nasaun seluk tuir instrusaun husi governu Timor-Leste.Fel


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker