GMN TV Justica e Segurança PR husu dokumentu FDD sai konsumu públiku, PTR: Sei entrega ba MP halo investigasaun

PR husu dokumentu FDD sai konsumu públiku, PTR: Sei entrega ba MP halo investigasaun

0 views

Prezidente Tribunál Rekursu (PTR), Deolindo dos Santos, lamenta ho atitude publikasaun ba dokumentu koligasaun partidária hanesan Frente Dezenvolvimentu Demokrátiku (FDD) no sira seluk ne’ebé Prezidente Repúblika, Francisco Guterres Lú Olo husu atu haree nia kontestu legalidade iha momentu konkore iha Eleisaun Antesipada (EA), tinan hirak 2018 liu ba.

Líder máximu Tribunál Rekursu (TR) ne’e subliña, dokumentu ne’e bele asesu ba públiku, maibé labele publika iha Média Sosiál (MedSos).

“Antes de Prezidente Repúblika (PR) husu, Prezidente KHUNTO rasik mós mai husu asesu ba dokumentu ne’e, no tribunál fó, ida ne’e mak akontese, maibé PR la mai husu favor ruma ba tribunál atu halo, maibé PR husu, ezerse nia direitu hanesan mós sidadaun sira seluk ne’ebé ezerse direitu ba dokumentu ne’e. PR mós la mai husu pareser ruma iha tribunál ida ne’e, sé PR husu pareser ruma karik nia sei liu husi nia tramitasaun legál ne’ebé lei prosesual permite, tanba ne’e, ha’u lamenta tebes ho publikasaun ne’e”, PTR ne’e ba jornalista sira liu husi konferénsia imprensa iha TR, Caicoli-Díli, Kinta (12-03-2020).

Deolindo informa, tribunál rasik sei entrega ba Ministériu Públiku (MP) hodi halo investigasaun, nune’e bele identifika pesoál ne’ebé halo publikasaun ba dokumentu refere.

“Aproveita oportunidade ida ne’e, atu halo esklaresimentu ba públiku kona-bá dokumentu ne’ebé espalla iha públiku, iha dokumentu ne’e saída mak akontese katak, Prezidente Repúblika, iha loron 9, fulan Marsu, tinan 2020, husu mai TR atu hasa’i kopia ba dokumentu koligasaun partidária ou Partidu Polítiku (ParPol) sira ne’ebé konkore iha Eleisaun Antesipada (EA) iha tinan 2018. Dokumentu ne’ebé PR husu ne’e, dokumentu ne’ebé asesu ba públiku, kualker sidadaun bele mai hetan asesu ba dokumentu ida ne’e, inklui mós ita boot sira ou jornalista sira bele asesu”, tenik Líder TR máximu ne’e.

Pedidu ne’ebé PR husu ne’e, sai ona konsumu públiku, tanba ne’e Deolindo lamenta tebes ho atitude refere no entrega ba MP halo investigasaun ba autór ne’ebé publika dokumentu refere, nune’e prosesu tuir dalan legál.

Entretantu to’o notísia ne’e públika GMN seidauk hetan konfirmasaun ho parte Gabinete Prezidensia Repúblika kona-bá kestaun ne’e. san


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker