GMN TV Justica e Segurança SEII: Violénsia hasoru feto sa’e ba beibeik

SEII: Violénsia hasoru feto sa’e ba beibeik

0 views

Sekretaria Estadu Igualidade Inkluzaun (SEII), Maria Fonseca de Jesus, husu ba sosiedade hotu iha Timor-Leste (TL), atu labele tolera violénsia hasoru feto, tanba kazu ne’ebe mak rejista kazu violasaun ne’e kontinua sa’e ba beibeik.

“Bainhira haree ba kazu ne’ebé mak rejista husi tinan 2017 to’o 2019, iha munisípiu sira no nasionál, kazu violénsia aas ba bebeik, ida ne’e hamosu preokupasaun ba ema hotu, maibé iha sorin seluk hatudu katak, ema barak konsiente katak krime hasoru feto no se deit, sei la tolera iha sosiedade no sei hato’o keixa ba PNTL no autoridade hodi halo intervensaun ruma”, Sekretária Estadu Inkluzaun, Maria Fonseca de Jesus, iha Hotel Timor Kinta (05/03/2020).

Maria hatutan, hatudu ba ba ema hotu katak, feto aten brani ona atu hato’o keixa, hodi bele hetan atendimentu ba vítima no sobrevivente sira, maske iha limitasaun ba rekursu umanu no iha problema barak, maibé tenki uza rekursu ho diak, atu nune’e bele haree sosiedade livre husi violénsia.

Maria Fonseca akresenta tan, iha loron 8 fulan Marsu, mundu tomak sei komemora loron internasionál feto, inklui TL no loron importante ida ne’e hanesan loron ida, komemora mós loron rekoñesimentu ba feto sira nia atinjimentu sei ema ida.

Haree ba sira nia nasionálidade lian ne’ebé sira koalia, lisan, kondisaun ekonomia ka afiliasaun polítika, ne’ebé lahetan seluk la hetan dikrimenasaun. Dehan, Maria Fonseca.

“Tema ba komemorasaun loron internasionál feto “Ha’u jerasaun igualidade hakonu direitu feto nian” ita nia espektativa ho esforsu sira, atu halakon diskrimenasaun, no hakotu violénsia hasoru feto no labari feto bele kontribui atu hakonu mós sira nia direitu atu nune’e feto sira bele goja sira-nia moris”,haktuir, Maria.

Maria reforsa tan katak, violénsia hasoru feto no labarik feto, ema se deit la aseita, tamba ne’e SEII, halo esforsu tomak hamutuk ho, parseiru nasionál no internasionál, halo formasaun, organiza seminariu halao kampañia, hodi hasae konsensia ema nian, atu hakotu violénsia hasoru feto.

“Ita presiza tau forsa hamutuk, servisu hamutuk atu bele kombate violénsia hasoru feto no labarik no grupu vulnaravel sira, ema barak mak konsienti ona, katak violénsia domestika hanesan krime públiku, se deit mak sai sasin no vítima tenki halo keixa  no buka apoiu ba vítima no sobrevivente”, afirma Maria.Cin

 


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker