GMN TV Justica e Segurança Sona estudante iha rotunda Comoro, TDD aplika prizaun preventiva-aprezentasaun periódika ba arguidu sira

Sona estudante iha rotunda Comoro, TDD aplika prizaun preventiva-aprezentasaun periódika ba arguidu sira

0 views

Tribunál Distritál Díli (TDD), iha Sábadu, loron 29, fulan Fevereiru ne’e, hala’o prosesu Priméiru Interogatóriu (PI) ba kazu tentativa omisídiu, ne’ebé deskonfia komete husi arguidu sira ho inisiál ADC, BDC, JDZ, LDJ, NDC, EP, AS, LDF, JDS, JC, ES, ASS, LMP, AXM, ADCS, JS, DDS, JP no RJS hasoru lezadu ho inisiál AA, JDC no BBD.

Iha prosesu PI ne’e, tribunál aplika medida koasaun prizaun preventiva ba arguidu LDJ, tanba iha indísiu forte ba kazu refere, nune’e mós aplika medida koasaun aprezentasaun periódika, fulan ida dala rua ba arguidu sira ho inisiál NDC, ES no DDS.

Enkuantu arguidu sira seluk tribunál aplika de’it aprezentasaun periódika fulan ida dala ida, aprezenta-an ba postu polísia ne’ebé besik.

Maibé defeza husi arguidu sira, Estaqui Guterres, la konkorda ho desizaun tribunál ni’an, tanba konsidera faktu ne’ebé Ministériu Públiku (MP) aprezenta ba tribunál ne’e la serteza.

“MP kondena arguidu ho krime tentativa omisídiu ba arguidu sira ne’e, maibé iha faktu sira ne’ebé MP aprezenta iha PI ne’e, tuir ha’u defeza haree katak faktu ne’e ladún forte, tanba kuaze arguidu sira ne’ebé polísia ba kaer ne’e, la’ós kaer iha fatin akontesimentu, maibé kaer iha fatin ne’ebé fora husi fatin akontesimentu, só arguidu na’in haat mak kaer iha fatin akontesimentu, maibé tuir deklarasaun husi arguidu sira katak, estudante husi FINANTIL mak halo asalta uluk arguidu sira, tanba ne’e, mak arguidu sira uza autodefeza hodi halo reasaun hasoru, mais laiha intensaun ida katak, atu sona lezadu sira ne’e”, dehan Defensór Públiku (DP), Estaqui Guterres, iha tribunál.

Iha alegasaun ne’e defeza, solisita ba tribunál atu aplika Termu Identidade Rezidénsia (TIR) ba ninia kliente sira, tanba konsidera arguidu balun la envolve diretamente iha kazu refere.

Maibé tribunál deside aplika medida koasaun prizaun preventiva, aprezentasaun periódika ba arguidu sira, tanba tribunál konsidera iha indísiu forte, nune’e bele fasilita MP, hodi halo investigasaun.

Entretantu kazu ne’e akontese iha loron 25, fulan Fevereiru, tinan 2020, iha rotunda Prezidente Nicolao Lobato, Comoro-Díli, wainhira estudante ou lezadu na’in tolu atu fila ba uma ho mikrolet, maibé to’o iha rotunda sira foin tun husi mikrolet, hetan kedas atake husi estudante na’in neen.

Nune’e sona kanek lezadu ida husi parte kotuk laran, ida husi parte kabun no ida hetan kanek husi parte kaba’as.

Arguidu sira ne’ebé deskonfia sona kanek lezadu ou na’in tolu ne’e, hanesan estudante husi eskola sekundária 10 de Desembro-Comoro no lezadu sira hanesan estudante husi eskola FINANTIL.

Prosesu PI ne’e, prezide husi Juíz Singular, Sribuana da Costa, MP reprezenta husi Prokuradór, António Tavares, arguidu sira hetan asisténsia legál husi DP, Estaqui Guterres no Advogadu Privadu, Gíl Amaral. san


Banner

Foto

Notisia Ikus

Xanana ko’alia relasaun Uniaun Europeia ho Indo-pasífiku

June 27, 2022
Reprezetante Espesiál Timor- Leste ba Ekonomia ...

STAE hahú halo preparasaun ba Eleisaun Parlamentar 2023

June 27, 2022
Sekretariadu Administrasaun Eleitoral (STAE) hah...

PM no Vise PM nain rua la partisipa iha aprezentasaun programa 2023 ba PR

June 27, 2022
Membru Governu iha semana kotuk aprezenta progra...

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...
1 2 3 740

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker