GMN TV Justica e Segurança Xanana la envolve iha produsaun osan falsu, KomJer PNTL: Autór halo propaganda hodi instabiliza nasaun

Xanana la envolve iha produsaun osan falsu, KomJer PNTL: Autór halo propaganda hodi instabiliza nasaun

0 views

Komisáriu Jerál (KomJer) Polísia Nasionál Timor-Leste (PNTL), Faustino da Costa, hateten, asaun husi autór ne’ebé temi naran Xanana Gusmão no Cornélio Ximenes “Maunana” dehan envolve iha produsaun osan falsu ne’e, hanesan propaganda ida, hodi instabiliza nasaun.

“Autór balun ne’ebé temi naran Xanana Gusmão no Cornélio Ximenes “Maunana” iha prosesu ne’e, hanesan propaganda ida hodi instabiliza situasaun polítika atuál. Prosesu sira ne’e hotu hala’o iha autoridade Indonézia, ne’ebé loos duni katak, iha dadus no gravasaun balun ne’ebé halo durante aktividade ida ne’e iha Indonézia, desde que ida ne’e sei iha prosesu no mós nu’udár informasaun katak, seidauk konsidera hanesan krime ida mak PNTL nunka divulga informasaun saída de’it ba públiku liga ho prosedimentu penais ne’ebé iha. Iha inísiu fulan Marsu, fin de Fevereiru, tinan 2020 detekta katak, iha publikasaun dadus no informasaun balun liga ho prosesu ida ne’e, husi parte autoridade Indonézia hala’o sai hanesan konsumu públiku ida, nune’e mós iha publikasaun ida ne’e, mensiona momoos katak, maun boot Kay Rala Xanana Gusmão no mós veteranu Maunana nia-naran, ne’ebé temi iha video ne’ebé publika”.

“Husi konfirmasaun ba informasaun ne’ebé iha detekta katak, iha informasaun ne’ebé hato’o husi autór iha média ne’ebé publika ne’e laloos katak, ho intensaun ida atu hetan influénsia hodi hetan konfiansa no kredibilidade ba vítima sira ne’ebé oras ne’e, autór rasik lansa hela propaganda ida ne’e. Rua autór ne’ebé oras ne’e parte autoridade Indonézia investiga hela, sempre uza ho maneira ema sira ne’ebé nia hasoru, liu-liu líder istóriku no aman veteranu sira fotográfia hanesan prova ida katak, nia iha relasaun di’ak hodi hetan konfiansa ne’ebé ikus mai la loos no bosok”, KomJer PNTL ne’e liu husi konferénsia imprensa ne’ebé hala’o iha Kuartel Jerál PNTL, Caicoli-Díli, Kuarta (04-03-2020).

Tuir KomJer PNTL, aktividade refere hala’o iha área Indonézia no envolve mós Timor-Oan balun no autoridade Polisi Repúblik Indonesia (POLRI) kaptura ona autór sira ne’e hodi halo investigasaun.

Komando PNTL mós sei halo investigasaun ba publikasaun ne’e, karik detekta oknum polísia balun mak deskonfia envolve iha aktu ne’e, Komando sei foti medida hasoru oknum refere.

“Komando Jerál PNTL hanesan ha’u temi, Inspetúr Jerál PNTL sei halo inkéritu ba membru sira ne’ebé desloka ba indonézia no mós karik detekta publikasaun ida ne’e iha ligasaun ka relevánsia kontribuisaun husi oknum PNTL ni’an mak KomJer PNTL sei la tolera aktu sira ne’e no sei la tolera aktu sira ne’e tantu individu ka grupu ba iha publikasaun ida ne’e. Prosesu investigasaun ba autór ne’ebé deskonfia prodús osan falsu ne’e, hala’o iha Indonézia no parte Komando Jerál seidauk simu konfirmasaun loloos husi autoridade polísia Indonézia. Parte Komando simu informasaun husi Servisu Informasaun Polísia (SIP), iha loron 28, fulan Dezembru, tinan 2019 katak, iha informasaun indikasaun ema ka grupu balun halo atividade balun, hodi envolve sidadaun Timor-Oan balun, ba iha aktividade deskonfia hanesan burla”, tenik Faustino.

Nia akresenta, iha loron 16, fulan Jeneiru, tiann 2020, liga ho informasaun ne’ebé iha tenta koordena no aktualiza situasaun ne’e, bazeia ba akordu ne’ebé PNTL ho POLRI, Komandu husu autorizasaun ba Governu, hodi desloka ekipa ida husi PNTL, hamutuk ho autoridade Indonézia.

“Iha dia 19 de Janeiru 2020, ekipa ne’ebé husi PNTL hasoru malu ho POLRI Indonézia no hahú halo identifikasaun no rekolla informasaun ba kazu ne’ebé deskonfia hanesan burla, husi prosesu sira ne’e hotu, loos duni katak iha dadus no gravasaun balun ne’ebé halo durante aktividade ida ne’e iha Indonézia”, dehan KomJer PNTL ne’e.

Prosesu investigasaun ba autór ne’ebé deskonfia prodús osan falsu ne’e, parte Komando Jerál seidauk simu konfirmasaun loloos husi autoridade polísia Indonézia.

Entretantu autór sira hetan kapturasaun, iha loron 13, Fulan Janeiru, tinan ne’e, iha Jakarta sentrál. san


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker