Sosiedade sivíl liuhosi Forum Organizasaun Naun Governamental Timor-Leste (FONGTIL), konsidera kazu oknum Batallaun Ordem Públika (BOP) ida basa pesoál Saneamentu nain rua iha área Tasi-Tolu, foin lalais ne’e krime públiku.
Relasiona ho vídeo ne’ebé virál iha média sosiál hatudu, membru BOP ida basa sidadaun na’in rua nu’udar pesosal saneamentu ne’ebé hala’o serbisu, maske iha situasaun serka sanitária. Tanba ne’e hosi aktu refere FONGTIL husu ba Komandu Jerál PNTL atu aplika sansaun disiplinar no prosesa kazu ne’e tuir lei ne’eb’e vigora iha Timor-Leste.
“Ita lamenta ne’e krime públiku, ne’ebé vítima iha diretu tomak atu halo keixa no sosiedade sívil mós bele halo keixa, tanba ne’e krime públiku, la’os atu uza fali serka sanitária hodi halo fali violasaun direitus humanus, la merese atu halo”, Diretór Ezekutivu FONGTIL, Daniel Santos Carmo, ba GMN, iha nia knar fatinKaikoli, Kinta (11/03/2021).
Submete ona ba prosesu identifikasaun
Membru Polísia hosi Bataliaun Ordem Públika (BOP) ho inisiál PEX ne’ebé mak fó basa ba ema na’in rua iha Tasitolu, akontese iha Tersa loron 09 fulan Marsu ne’e submete on aba prosesu identifikasaun.
“Depois de ita hetan informasaun ita halo prosesu identifikasaun kedas ba iha terrenu, identifika duni ita nia membru ida ne’ebé mak halo asaun ba ita nia sidadaun na’in rua”, deklara Komandante Unidade Espesiál Polísia Superintendente Xefe, Orlando Gomes, foin lalais ne’e relasiona ho kazu refere.Ina
