Polísia Sientífika Investigasaun Kriminál (PSIK) no Komando Polísia Nasionál Timor-Leste (PNTL) munisípiu Baucau detein suspeitu nain haat, tanba loke jogu ilísitu lotária.
Operasaun konjunta entre PSIK no PNTL Baucau ne’e hala’o Kuarta (03/032021), mais ou menus tuku neen loraik OTL, iha área RSS Aldeia Samalaku Liba, Suku Buibau, Aldeia Lutu Mutu, Suku Trilolo, Baucau Villa Nova, Aldeia Betulale Suku Trilolo hodi halo buska no detensaun ba ema na’in haat tanba loke jogu ilísitu Lotária iha munisípiu Baucau.
Suspeitu ne’ebé mak PSIK halo detensaun mak ho inisial, Mff, AC, Sf, Ak. Suspeitu sira detein durante oras hitu nulu resin rua iha sela detensaun Polísia Baucau hodi submete ba primeiru interogatóriu iha Tribunal Baucau.
Adjuntu Diretór PSIK, Adino Nunes Cabral, hatete, PSIK halo detensaun ba ema nain haat ne’e, tanba ezekuta mandadu detensaun buska no apriensaun husi Tribunál Distritál Baucau.
"Ita ezekuta mandadu Tribunál Distritál Baucau, hodi hala'o buska no apri ensaun inklui detensaun ba suspeitu sira, tanba esplora Jogu Ilísitu Lotária iha Baucau",esplika Adjuntu Diretór PSIK, Adino Nunes Cabral, ba jornalista sira Kinta (04/03/2021), iha Kuartel PNTL, Baucau.
Alende ne'e Komandante PNTL munisípiu Baucau Superintendente Xefe Armando Monteiro, hatete, PNTL Baucau prontu kualker tipu kazu saida ne’ebé mak la’o iha Baucau.
"Ami komando PNTL Baucau prontu koopera ho instituisaun PSIK hodi apoia seguransa hodi kaptura suspeitu sira ne'ebé mak loke Jogu ilísitu",dehan. Evidénsia hanesan osan no surat-tahan Jogu Lotária Psik asegura ona.avi
