GMN TV Justica e Segurança Falur: Governu hahú konstrói Portu Navál Hera

Falur: Governu hahú konstrói Portu Navál Hera

90 views

Xefe Estadu Maiór FALINTIL Forsa Defeza Timor Leste, Tenénte Jenerál Domingos Raul Falur Rate Laek, informa, kona-ba Portu Naval Hera ne’ebé durante ne’e sai preokupasaun, oras ne’e dadaun  hahú ona nia konstrusaun.

“Ne'e preokupasaun forsa armadas nia, ne'ebé ohin ha'u hato'o ba Prezidente Repúblika nu'udar Komandante Supremu, parte Australia hadia zona B halo ona reklamasaun ateru ne'e ba ona leten, ita nia governu mak seidauk, maibé horiseik ita nia ministru hatete iha ona prosesu tenderizasaun atu ba halo buat ne’e porque, nia hatete, nia tauk liu mak ponte ida antigu ne'e, tanba ai sabelok tiha se tohar agora ro ahi rua bele tun ba tasi laran hotu,’’deklara Xefe Estadu Maiór F-FDTL Tenénte Jenerál Domingos Raul Falur Rate Laek, hafoin hala’o enkontru semanál ho Prezidente Repúblika iha Palásiu Prezidensiál Kuarta (30/3/2022) hodi atualiza kona-ba implementasaun estatutu forsa armada ne'ebé aprova ona no mós planu orsamentu annual ba projetu lei programasaun militar.

Falur Rate Laek mós informa ba Xefe Estadu kona-ba forsa armada nia partisipasaun iha seguransa duante eleisaun prezidensiál.

‘’Ha’u mós fó situasaun ba nia katak be ami nia forsa ami nia partisipasaun seguransa, ha’u hatete ona komisaun, ami nia seguransa ha’u sei la koalia kona-ba seguransa, forsa ha’u la tau iha seguransa la ba seguransa em kazu diretiva politika mai be hansa entaun, ha’u ohin prezidente husu ha’u lae ha’u halo diretiva komandu nian bazeia ba diretiva be politika husi ministériu mai mak ha’u nia partisipasaun ba seguransa externa deit durante foin dadaun halo kampaña tun sae halo eleisaun prezidensiál ne’e ami halo seguransa externa , em kauza ami hetan krime fragante deleitu, ami bele aborda i depois pasa automatikamente ba iha ajente seguransa sira polisia para hala’o ninia prosesu, ne’ebé agora ha’u retira tiha ona depois ida-idak nia hare’e responsabilidade’’,dehan.

Durante enkontru, Xefe Estadu nafatin husu ba membru FALINTIL-Forsa Defeza Timor-Leste atu hala'o knaar tuir lei no orden ho neutralidade no profisionál.

Aeropostu Baucau iha progesu

Nune’e mos, Xefe Estadu Maiór FALINTIL Forsa Defeza Timor Leste (F-FDTL), Tenente Jenerál Domingos Raul "Falur Rate Laek", hatete, progresu Aeroportu Baucau la'o ona, tempu badak inagura kona-ba apoiu uma lójistika nian.

"Progessu rehabilitasaun ba Aeroportu Baucau la'o ona tempu badak imi ba akompaña inagurasaun kona-ba Apoiu Uma Lójistiku nian, depois imi haree manutensaun lutu ne'ebé haleu ne'e tempu badak seremónia karik imi ba asiste fó sai ba públiku," dehan Tenente Jenerál Falur Rate Laek ba jornalista sira hafoin enkontru semanál ho PR Lú Olo iha Palásiu Prezidensiál, Bairu-Pite, Kuarta (30/03).

Molok ne'e, Komisaun B ne'ebe trata asuntu Negósiu Estranjeiru, Defeza no Seguransa iha Parlamentu Nasional (PN) sei hala'o fiskalizasaun ba projetu reabilitasaun Aeroportu Baucau tanba orsamentu ba projetu ne'e prevee ona iha Orsamentu Jerál Estadu (OJE) tinan fiskál 2022.

“Sim ema hotu hatene katak ohin ita iha fulan-marsu, konderteza ami komisaun iha kalendáriu ba fiskalizasaun, ne'ebé komisaun B prepara ona kalendáriu iha fulan ida ne'e, hahú halo fiskalizasaun ba reabilitasaun Aeroportu Baucau nian”, hatete. Ben


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker