GMN TV Justica e Segurança F-FDTL nain 10 kompete tiru iha Australia

F-FDTL nain 10 kompete tiru iha Australia

0 views

Membru  FALINTIL Forsa Defeza Timor-Leste (F-FDTL),  nain 10, iha semana ne´e sei aranka ba Australia hodi partisipa kompetisaun tiru alvu iha Adelaide, Australia.

``Ekipa  sira ne´e selesionadu  iha   fulan Marsu no  iha loron 13 fulan Maiu, tinan ne’e, sira sei tuir kompetisaun tiru,``esplika  Vise  Xefe Estadu Maior F-FDTL Brigadeiru Filomeno Paixão, ba jornalista sira, Sesta (13/04/18), liu  husi konferensia imprensa iha salaun Kuartel Jeral F-FDTL Fatuhada Díli. 

Nia  hatutan,  kilat  ne´ebé mak sei utiliza ba kompetisaun tiru sei oferese husi forsa Australianu nian ho marka mil kaliber.

Kompetisaun ne´e sei involve militar husi nasaun 17, inklui Indonesia, Nova-Zelandia  no Timor-Leste.

Tanba  ne´e, Filomeno Paixão husu membru  sira tuir  kompetisaun atu disiplina  nune´e nasaun seluk mós bele respeita.

Alende ne´e, Komandante  Programa Kooperasaun  Defeza  Austrália  nian iha Timor-Leste, Goslin, hateten, kompetisaun tiru  ne´e  hodi hametin relasaun bilitaral defeza  Australia  ho F-FDTL.

``Kompetisaun ne´e ami bolu  Army Skill At Arms Meeting (ASSM) hanesan kompetisaun tiru internasionál importante ida hala´o kada tinan-tianan iha Australia,”dehan Goslin.

Kompetisaun  tiru ne´e realiza,  hetan apoiu husi  Defence  Cooperation Programme  (DCP),  ba Army Skill  at Arms Meeting  (AASM) husi kedas tinan 2004.

Kompetisaun tiru ne´e sei hala’o iha Adelaide, ekipa sei hala’o treinamentu  liu tan  ho  Batallaun  Infantaria 7 husi Primeiru Brigada  Australia nian.avi


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker