GMN TV Justica e Segurança Julio Hornay: Abertura kampaña EA la’o hakmatek

Julio Hornay: Abertura kampaña EA la’o hakmatek

0 views

Komandante Jeral Polisia Nasional Timor-Leste (PNTL), Komisáriu Julio Hornay, informa, situasaun kampaña iha teritoriu laran tomak, durante loron 10 to’o loron 11, fulan Abril ne’e, la’o hakmatek.

“Ami nain rua (2), Segundu Komandante Jeral PNTLFaustino da Costa, hanesan bai-bain mai halo enkontru semanal hodi informa situasaun seguransa país nian, espesialmente situasaun kampaña eleitoral ne’ebé maka partidu walu (8) halo iha munisípiu tuir orariu ne’ebé iha. Kampaña la’o ho diak, to’o ohin loron seidauk iha problema ida boot ka konflitu ida ne’ebé boot iha kampaña laran presiza toma atensaun,”Komandante Jeral PNTL ne’e ba jornalista sira hafoin remata enkontru ho Prezidente Repúblika (PR), Francisco Guterres ‘Lu-Olo’ iha Palasiu Prezidensial, Bairo Píte, Díli, Kinta (12-04-2018).

Nia esplika, PNTL fó seguransa nafatin iha munisípiu no PNTL reforsa tan unidade espesial ba iha ne’ebá atu bele asegura lala’ok kampaña iha munisípiu tuir orariu ne’ebé iha.

“Loos duni mini kampaña ida iha Oe-Cusse ne’e fora de orario nasional no sira aprosima, koalia ba malu hodi hapara, depois kuandu Comissão Nacional de Eleições  (CNE) hasa’i tiha ona orariu ruma ka desizaun ruma ita halo tuir ida ne’e,”dehan Komisáriu Julio Hornay.

Entretantu iha loron Kuarta (11/04) ne’e, Xefi Estadu Maior FALINTIL-Forsa Defeza Timor-Leste (F-FDTL), Major Jeneral, Lere Anan Timur, deklara, situasaun iha primeira kampaña la’o hakmatek, tanba povu iha ona maturidade asegura paz.

“Maibé nu’udar elementu seguransa, ami sei esforsu nafatin garante seguransa iha kampaña eleitoral, atu nune’e kampaña eleitoral ne’e la’o iha seguransa no iha estabilidade nia laran,” hatutan Major Jeneral, Lere Anan Timur.

Entretantu kampaña eleitoral hahú ona iha loron 10, fulan Abril no sei remata ih loron 10, fulan Maiu, tinan ida ne’e. Partidu walu (8) maka kompete iha eleisaun antesipada hanesan PEP, PD, PR, FRETILIN, Msd, MDM, FDD no AMP. Ves


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker