GMN TV Justica e Segurança Lere preokupa kondisaun moris veteranus

Lere preokupa kondisaun moris veteranus

0 views

Xefi Estadu Maior FALINTIL-Forsa Defeza Timor-Leste (F-FDTL), Major Jeneral Lere Anan Timur, preokupa ho kondisaun moris veteranu sira nian iha komunidade nia leet, tanba veteranu barak maka depois reforma infrenta kondisaun moris susar no terus.

“Agora ha’u 66 anos ona, mas agora ha’u sei iha F-FDTL, sei iha kareta Estadu, uma Estadu no simu osan Estadu, entaun ha’u nia isin sei kaber hanesan 15 anos, mas ha’u-nia alin sira ne’ebé reforma iha 2015 ne’e mizeravel, ha’u sempre ba sira-nia uma, haree sira-nia uma ho kondisaun át, konsumu hahan át, sira preokupa maka feto-san no umane, preokupa halo to’os no natar, preokupa hakiak sira-nia manu no fahi, halo sira-nia oan hanesan oan kiak, ida ne’e maka ita tenki haree,”Xefi Estadu Maior F-FDTL ba jornalista sira hafoin remata enkontru ho Prezidente Repúblika (PR), Francisco Guterres ‘Lú Olo’, iha Palasiu Prezidensial, Bairo Píte, Díli, Kuarta (25-04-2018).

Nia apela mós ba lider nasional sira, karik manan iha eleisaun no ukun Governu tuir mai, tenki rezolve problema veteranus ninian, tanba iha ema balun ne’ebé ezekuta orden husi lider sira, aproveita halo prátika subornu ba veteranu sira ne’ebé trata subsidiu veteranus no martir ninian.

“Ohin loron ita-nia maun Xanana, Taur Matan Ruak, Mari Alkatiri no sira seluk kuandu koalia ita kampaña ne’e atu rezolve problema veteranus, la’os imi maka atu ba ezekuta, maibé imi ne’e fó orden de’it, buatamak sira iha kraik ne’e maka ezekuta, dalaruma fó $100 ba veteranu no hela ho $50 mós iha,  ida ne’e maka problema. Entaun ita-nia maun sira tenki halo lei, sé maka naok $0, 50 sentavus tenki ba kadeia, porque veteranus nia vida maka agora hanesan ne’e nafatin,”haktuir Major Jeneral Lere Anan Timur.

Nia husu mós ba lideransa nasional sira atu labele sura sira-nia kontribuisaun funu hodi liberta rai ida ne’e husi okupasaun Indonesia, tanba tantu uitoan ka barak ema hotu-hotu mós luta maka Timor-Leste hetan ninia independensia.

“Ita labele koalia veteranus hela de’it, tanba ne’e la’os buat foun, dezde funu 24 anos mós veteranus, husi tinan 1999 mai to’o agora mós veteranus, ne’ebé labele dehan veteranus ne’e ema ida nian. Ha’u hateten ha’u la’os tanba ema ida maka sai veteranu, maibé ha’u-nia determinasaun rasik, balun iha kampaña dehan ami tauk teen ne’e maka ami moris ne’e, ema ida koalia hanesan ne’e bosok teen, ha’u la’os tauk teen hanesan mós ho ha’u nia maluk sira seluk no komandante sira seluk ne’ebé maka sei moris,” relata Xefi Estadu Maior F-FDTL ne’e.

Nia informa, martir sira hanesan Prezidente Nicolau Lobato, Alex Daitula, Latu Asa no Fera ne’e la’os sira maka hakarak mate, maibé ne’e konsekuensia funu, inimigu nia forsa boot liu maka sira mate, nune’e sira maka heroi loloos, tanba sira kumpri tiha sira nia misaun.

Durante kampaña eleitoral ParPol no bloku koligasuan sira maioria hato’o sira-nia promesa bazeia ba sira-nia polítika ne’ebé hatuur iha programa, liu-liu hakarak hadia veteranu sira nia moris.ves

 


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker