GMN TV Justica e Segurança Marsa ba Paz, Povu Baucau promete lakohi tan “ahi suar”

Marsa ba Paz, Povu Baucau promete lakohi tan “ahi suar”

0 views

Povu Munisípiu  Baucau promete a´an lakohi ona atu akontese tan ahi suar ka ema sunu uma  iha eleisaun antesipada ne’ebé sei hala’o iha loron 12, fulan ne’e, maibe hakarak moris paz no estabilidade.

``Baucau  terus tiha  ona, Baucau ahi han  lubuk tiha ona, Baucau tanis barak ona, labele husik atu tanis tan dala ida, labele husik atu ahi suar tan dala ida, labele husik atu ema mai estraga ita-nia unidade, ne´e duni mai  ita hamutuk,``esplika Komisaun Organizadora ba eventu marsa ba paz,  Agostu  Pires, liu husi nia diskursu ba eventu marsa ba paz,  ne´ebé mak hala’o iha Sesta (06/04/18), iha Postu Administrativu Baucau vila.

Nia hatutan, povu Baucau hakarak  demokrasia ida ne´ebé mak  hakmatek no demokrasia ida ne´ebé paz,  iha estabilidade nia laran, atu nune´e ema sira ne´ebé fan  no sosa  sasan iha merkadu Baucau vila hodi hatutan sira nia moris.

``Ami  husu ba nai ulun partidu polítiku ninian atu mantein ninia  kompromisu  ne´ebé mak asina tiha ona, liu husi paktu unidade,   promete atu kria paz no estabilidade no ida-idak bolu atensaun ba ninia militante atu tuir regra  ne´ebé mak estabelese tiha ona,``dehan Agostu  Pires.

Alende ne´e, Jestor  Projetu UNDP ba Polísia Nasionál Timor-Leste (PNTL), Sebastião Freitas, agradese ba koloborasaun no kooperasaun diak entre autoridade Munisípiu Baucau  hodi organiza marsa ba paz.

``Aktividade eleisaun antesipada hanesan prioridade primeiru,  nune´e hanesan  parseiru dezenvolvimentu ami la ses buka apoiu  nafatin nasaun liu-liu iha Munisípiu Baucau hodi realiza marsa ba paz ne´e,``dehan Sebastião Freitas.

Marsa ba paz  ne´e  hetan  apoiu orsamentu  husi povu Japaun no organiza  husi  parseiru United Nations Development Programme (UNDP),  iha Timor-Leste.

Alende ne´e Prezidente Autoridade Munisípiu Baucau, António Augusto Guterres, hateten, povu Munisípiu Baucau  iha maturidade hodi   hakribi violensia.

``Ita marka istoria ba  povu rai ida  ne´e diferente  oituan  ho munisípiu seluk, hanesan  ita hotu hatene Baucau  ne´e munisípiu ne´ebé mak úniku, povu adultu,  povu komesa iha maturidade hodi hakribi violensia hotu hodi kria paz no estabilidade iha Baucau,``António Augusto Guterres.

Segundu Komandante PNTL Baucau Superintindente Assistente Joni Viana, hateten, Komando PNTL Baucau iha komitmentu  forte, kredibel mantein nafatin lei no orden hodi garante funsionamentu Polísial iha eleisaun antesipada.

``Kona-ba seguransa ba eleisaun antesipada, antes depois, ita-nia planu operasaun em koordenada  forsa rua, komando  PNTL ho F-FDTL, ami servisu hamutuk ne´ebé forte teb-tebes oinsa mak atu garante paz no estabilidade durante eleisaun antesipada,``dehan Joni Viana.

Marsa ba paz  ne´e hahú husi Igreja Parokia  Sagrada Coração  de Jesus  Baucau vila termina iha kruzamentu Centro Convenções de Baucau, ne´ebé mak involve estudante Universidade da Paz (UNPAZ),  Estudante  husi Intitutu Superior  Cristal (ISC), estudante  Técnica  Informática Baucau, reprezentante partidu politiku sira, komunidade, Funsionariu Públiku, juventude sarani Katolika Baucau, membru PNTL Baucau, F-FDTL husi Primeiru Batallaun Baucau.avi


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker