GMN TV Justica e Segurança MDS husu ba PARPOL labele harii rasik seguransa ba sira nia-an

MDS husu ba PARPOL labele harii rasik seguransa ba sira nia-an

0 views

Ministru Defeza no Seguransa (MDS), José Agostinho Sequeira Somotxo husu ba partidu polítiku (PARPOL) 8, ne’ebé sei halo kampaiña no kompete iha eleisaun antesipada atu labele harii rasik seguransa ba sira ida-idak nia-an, iha kampaiña no ba eleisaun antesipada, tanba iha Timor ne’e seguransa iha rua de’it mak F-FDTL no PNTL.

Ministru Defeza no Seguransa fó sai deklarasaun ne’e, tanba rona informasaun balun katak agora dadaun partidu polítiku balun hahú harii rasik sira nian seguransa atu asegura sira ida-idak nia-an iha kampaiña no eleisaun antesipada.

“Ba públiku tomak bele rona mós ohin, ha’u rona partidu balun komesa ona ninia seguransa, ne’ebé ha’u hanesan MDS, iha Timor ne’e seguransa 2 de’it mak Forsa Defeza no Seguransa. Husu ba partidu hotu para atu lebele harii nia seguransa propria, tanba seguransa ne’e rua de’it iha Timor F-FDTL no PNTL,”esplika MDS José Agostinho Sequeira Somotxo ba jornalista sira hafoin enkontru ho PR, Francisco Guterres Lú Olo iha Palásiu Prezidensial Nicolau Lobato Díli, Sesta (6/4).

Nia hateten, seguransa ne’ebé partidu polítiku sira harii atu asegura rasik sira nia-an ne’e bele kria fali konfuzaun entre forsa 2 F-FDTL no PNTL

“Ne’ebe sé presiza seguransa husu mai instituisaun ne’e para atu bele garante seguransa ba sira iha kampania ga movimentu. Ne’ebe lalika halo konfuzaun tanba, se ita hahu halo konfuzaun ne’e, konfuzaun ne’e aban bairua sei a’at liutan. Tanba ne’e mak apela ba partidu politiku 8 ne’ebe atu tuir eleisaun antesipada ne’e hanesan ba sira hotu para lebele harii sira nia seguransa ida-idak nian hanesan farda miliar ka boñas ne’ebe hanesan atu konfundi fali ho forsa 2 ne’e.”haktuir MDS.

Partidu 8 ne’ebe sei tuir kampañia no kompete iha eleisaun antesipada iha loron 12 fulan maiu tinan ne’e mak hanesan, Partidu Esperansa da Patria (PEP), Partidu Demokratiku (PD), Partidu Republikanu (PR), FRETILIN, Movimentu Sosial Demokrata (MSD), Movimentu Dezenvolvimentu Nasional(MDN), Frente Dezenvolvimentu Demokratiku (FDD), no Aliansa Mudansa ba Progresu (AMP).ías


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker