GMN TV Justica e Segurança Periodu kampaña semana ida liu, Lere apresia partisipasaun povu pasífiku

Periodu kampaña semana ida liu, Lere apresia partisipasaun povu pasífiku

0 views

Kampaña partidu pilítiku ba eleisaun antesipada la’o ona durante semana ida resin desde loron 10-19 Abril 2018, ne’e palku polítiku maske sai manas ho deklarasaun polítiku ne’ebé krítika, insultus no atakes entre lider ida hasoru lider seluk, maibé povu Timor-Leste  (TL) iha territóriu kontinua hakmatek, pasífiku no hala’o sira nian aktividade bai-bain.

Ho situasaun atual ida ne’e, Xefi Estadu Maior Falintil Forsa Defeza Timor Leste (F-FDTL), Major Jeneral Lere Anan Timur, apresia tebes no louva povu no joven sira nia partisipasaun iha kampaña eleitiorál ho pasífiku.

Maibé Lere Anan Timur dehan, nia parte konfuzaun wainhira rezultadu eleisaun ne’ebé sei mai ne’e hatudu katak, partidu ida la manan no seluk la lakon karik oin sa.

Tanba tuir Lere Anan Timur, wainhira partidu ida manan ona no seluk lakon ona mak fasil atu rezolve problema.

Konaba seguransa Xefi Estadu Maior ne’e afirma, parte defeza no seguransa sei prontu nafatin durante 24 oras atu garante seguransa ba populasaun sira hotu, hahú husi kampaña partidu sira to’o rona rezultadu ikus husi eleisaun antesipada.

“Ne’e mak ha’u dehan seguransa prontu 24 oras atu garante seguransa ba kampaña to’o eleisaun nia rezultadu. Ba ha’u konfuzaun maka ida la manan, ida la lakon. Maibé kuandu ida manan tiha ona, no ida lakon tiha ona, ne’e fasil atu ita rezolve problema,” hato’o Xefi Estadu Maior F-FDTL, Major Jeneral Lere Anan Timur ba jornalista sira hafoin enkontru ho Prezidenti Repúblika, Francisco Guterres Lú Olo iha Palácio Prezidénsial Nicolau Lobato Díli, Tersa (17/4).

Tuir Lere, kampaña partidu polítiku sira ne’ebé hala’o ona iha parte oeste nian durante ne’e la’o ho ambiente hakmatek, tanba ne’e nia mós optimísta katak kampaña partidu polítiku sira iha parte ponta leste sei laiha problema.

“Konaba seguransa parte husi loro monu nian problema ida laiha, ema basa liman de’it ba ita nia lider sira bainhira koalia, signifika iha parte husi lorosa’e mós sei laiha, povu ida de’it, sira hanoin katak iha ona responsabilidade, ita labele kompara 2018 ho 2002, tanba sosiedade agora dezenvolve no vida ema nian mós muda,”Lere afirma.

Kampaña eleitoral hahú iha loron 10 fulan ne’e no hetan seguransa másimu husi Polisia Nasional Timor Leste (PNTL) ne’ebé hetan mós apoiu husi FALINTIL Forsa Defeza Timor Leste (F-FDTL).

Kampaña, Partidu polítiku hahú iha loron 10 Abril-9 Maiu no eleisaun sei hala’o iha loron 12 fulan Maiu 2018.

No partidu polítiku individu ho koligasaun partidária ne’ebé oras ne’e dadaun hola parte ona iha kampaña atu konkore iha eleisaun ne’e hamutuk partidu avansa individual hat (4) no koligasaun partidária hamutuk hat (4), hanesan Partidu FRETILIN, Partidu Esperansa da Patria (PEP), Partidu Demokrátiku (PD), ho Partidu Repúblikanu (PR) no koligasaun partidária maka hanesan, Frente Dezenvolvimentu Demokrátiku (FDD), Aliansa Maioria ba Progresu (AMP), Movimentu Dezenvolvimentu Nasional (MDN) no Movimentu Sosiál Demokrata (MSD).ías


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker