GMN TV Justica e Segurança Pistola no sasan illegal tama ona iha TL, Xanana aviza ba PSIK atu hala’o kna’ar lolos

Pistola no sasan illegal tama ona iha TL, Xanana aviza ba PSIK atu hala’o kna’ar lolos

0 views

Lider máximu Aliansa Mudansa ba Progresu (AMP), Kay Rala Xanana Gusmão, hateten, nia simu ona informasaun katak, dadaun ne’e pistola no sasan illegal lubuk ida mak tama ona iha Timor Leste. Tanba ne’e, Xanana aviza ba Polisia Sientífika Investigasaun Kriminal (PSIK) atu investiga no buka tuir sasan hirak ne’e mai husi ne’ebé.

 “Ha’u rona katak, Polisia foin kaptura pistola lima, mas ha’u rona katak, balun tama uluk tiha ona, Polisia Sientífika Investigasaun Kriminal, inves  buka investiga ema nia izasa los ka la’e, favor ida kaer sientifiku ne’e haree tok iha pistola barak liu mak tama mai Timor Leste karik, tanba ita bo’ot sira nia investigasaun ne’e ba Kriminal, labele preokupa fali ho ema ida nia izasah,” relata Xanana ba jornalista sira liu husi konferensia ba imprensa iha sede nasional CNRT Dili, Domingu.

Xanana mós husu ba Polisia Sientífika Investigasaun Kriminal atu fó prioridade ba kriminalidade sira iha Timor Leste.

“Ami rona katak kontentor balun tama la liu husi ne’eba tanba saida? tanba ohin loron ne’e ema hotu tama-sai uma to’o eskritóriu ida iha Timor Plaza ne’e, ha’u hakfodak, tanba Polisia Militar mak tama iha ne’eba,” dehan Xanana.

Xanana husu ba Polisia Investigasaun Kriminal atu kumpri didiak sira nia kna’ar, hodi servisu hotu la’o tuir nia dalan.

Tanba ne’e, Xanana dehan, AMP hakarak mudansa ba buat sira ne’e hotu, no hakarak hametin liu tan Estadu ida ne’e.

“Tanba ida ne’e, ami mak ne’e, povu tomak fihir, am,i imi nia oan sira mak ne’e, ami hateke ba imi-nia matan, ami-nia fuan tuku bainhira imi-nia fuan tuku, imi-nia matan ben sai, ami mós senti, ami mak ne’e, la’o hamutuk hametin nasaun, iha prosesu bo’ot ida halo mudansa progresu ba moris diak,” katak Xanana.cos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker