Deputadu Adriano do Nascimento lamenta ho hahalok husi Diretur Administrasaun Finansa (DAF) Sekretariu Estadu Formasaun Profesional Empregu (SEFOPE) tanba baku ninia funsionariu nain rua iha parte Areia Branka, loron 13 fulan Abril tinan ne’e.
“SEFOPE hala’o atividade ida iha Areia Branka ho nia funsionariu, hau rona informasaun no lamenta teb-tebes Diretur Administrasaun no Finansa baku nia funsionariu nain rua, tanba intendementu saida. Ba hau maka ne’e diretur ida halo violensia ne’e oinsa, oinsa ho lei Funsaun Publika, sera que tenki baku, diretur ne’e tenki hatudu modelu lideransa, maibe agora baku fali nia staf ne’e oinsa, ne’e hanesan promove violensia iha instituisaun ne’e, nebe hau hakarak husu ba Primeiru Ministru atu atua diretur nebe mai ho tangan besi,” dehan Adriano iha PN, Tersa 16/04/2019.
Adriano hatutan hanesan representante povu lamenta tebes ho hahalok husi diretur nebe baku nia staff.
Iha fatin hanesan Ministru Reforma Lezislativa Asuntu Parlamentar Fidelis Magalaens hatete kona ba kestaun ne’e parte Governu sei buka hatene, tanba Deputadu Adriano do Nascimento foin maka levante kestaun ne’e plenaria.
“Ami mos laiha informasaun antes ne’e, nebe ami sei buka tuir didiak lai depois SEFOPE no Funsaun Publika bele anunsio buat ruma,” dehan Fidelis.
Tuir informasaun nebe Deputadu informa katak akontesementu iha loron 13 fulan Abril tinan ne’e iha parte area branka. To’o notisia ne’e hatun parte JNDiario seidauk halo komfirmasaun ho parte SEFOPE. Nes
