GMN TV Justica e Segurança Dada kadoras mai TL, Lere: Labele tau todan de’it ba Xanana

Dada kadoras mai TL, Lere: Labele tau todan de’it ba Xanana

0 views

Xefi Estadu Maior Jeneral FALINTIL-Forsa Defeza Timor-Leste (F-FDTL), Major Jenerál (MaJen) Lere Anan Timur hateten, prosesu sosa asaun husi kompañia petrolífera ConocoPhilips ho Shell realiza ona, maibé dada kadoras mina mai Timor-Leste (TL) presiza kontribuisaun ema hotu nian hodi labele tau todan deit ba líder nasionalista, Xanana Gusmão.

Xefi Estadu ne’e dehan asaun ConocoPhilips ho Shell sai ona asaun Estadu Timor-Leste ninian, maibé prosesu dada kadoras mina mai TL, presiza kontribuisaun ema hotu ni’an, ho nune’e Lere Anan Timur husu ba dirijenti hotu atu la bele tau todan de’it ba lider Karismátiku Kay Rala Xanana Gusmão.

 “Ações ida ne’e sei difisil duni no difisil liu iha parte tékniku ne’ebé maka sei naruk no sei kle’ur, presiza Timor-Oan hotu nia kontribuisaun, la bele fó todan de’it ba ita nia maun bo’ot Xanana Gusmão, maibé ba Timor-Oan, dirijenti, no mós Joventude hotu atu bele iha susesu ba futuru, di’ak ba povu, ba ita nia rai TL”, Lider Máximu instituisaun F-FDTL ne’e ba GMN hafoin partisipa misa iha igreja Santo Antonio Motael, Sábadu (20-04-2019).

Prosesu ida ne’e mai husi mehi Timor-Oan hotu-hotu ninian no iha loron 17, fulan Abril, tinan ne’e, reprezentante Espesial Governu, Kay Rala Xanana Gusmão asina tan akordu hodi sosa asaun ConocoPhilips ho Shell ho osan montante USD millaun 650.

Liu husi asaun ne’ebé maka TL sosa ona husi kompañia ConocoPhilips ho Shell TL sai nu’udar na’in ba konsórsiu (Joint Venture) ba kampu mina no gás Greater Sunrise, tanba TL nia asaun maka boot liu, kompara ho kompañia Woodside no Osaka Gas.

Antes ne’e mós akordu atu sosa asaun husi kompañia petrolífera ConocoPhilips ho montante USD millaun 350 ne’e, reprezentante espesial Governu, Kay Rala Xanana Gusmão no prezidenti kompañia ConocoPhilips Cris Wilson, iha loron 29, fulan setembru, tinan 2018, iha Hotel Condrat Nusa-Dua Bali, Indonesia.

Entretantu akordu atu sosa asaun husi kompañia petrolífera Shell ninian asina iha loron 21, fulan Novembru, tinan 2018 iha fatin ne’ebé hanesan, ho akordu ne’e loke dalan luan ba TL iha explorasaun kampu Greater Sunrise, tanba oras ne’e dau-daun TL maka ho pursentu maioria. min


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker