Tribunal Rekursu (TR) iha tempo badak nee sei fó sai rezultadu kona-ba reklamasaun rekursu bankada opozisaun nian ba fisklaizasaun abstrata Lei Atividade Petrolífera.
Prezidente Tribunal Rekursu, Deolindo dos Santos, hato’o lia hirak nee ba jornalista sira, Segunda (15/04), hafoin enkontru semanál ho Prezidente Republika.
Antes nee Tribunal Rekursu fó sai ona rekursu bankada opozisaun FRETILIN maibe Tribunal Rekursu fó sai dezisaun katak indefere rekursu FRETILIN nian.
Maski, Tribunál Rekursu fó sai ona desizaun konaba rekursu fiskalizasaun abstrata ba alterasaun lei atividade petrólifera, maibé bankada opozisaun kontinua hato’o reklamasaun ba konsidera desizaun Tribunál Rekursu nian la bazeia ba konsensia.
Tanba ne’e, Bankada Fretilin iha loron (05/04/2019) hodi husu Tribunál Rekursu haree fila fali desizaun ne’ebé Tribunál Rekursu foti hasoru LAP
“Desizaun sai tiha ona hato’o ona ba parlamentu ho señor deputadu sira agora iha mos reklamasaun ida foun no Tribunal sei haree tuir lei forma ne’ebe estabelese Tribunal sei anunsia iha tempou badak nia laran,” dehan Deolindo dos Santos.
Prezidente Tribunál Rekursu ne’e haklaken desizaun ba rekursu bankada opozisaun sira nian fó sai ona iha loron (8/03/2019), maibe bankada opozisaun kontinua la simu desizaun tribunál nian nune’e hato’o hikas fali reklamasaun hodi husu esplikasaun. Eus
