Lezadu nain rua kompostu husi, Estevão da Costa ho Mario da Costa, lamenta ho atuasaun Polisia Nasional Timor Leste (PNTL) Eskuadra Postu Administrativu Maubisse nian ho Konsellu Polisiamentu Komunitaria (KPK) ne’ebé halo agresaun fizika hasoru sira.
Akontesimentu ne’e akontese iha loron Sábadu (06/04/2019) no kontinua kedas iha loron Domingu (07/04/2019) akontesimentu ne’e iha momentu lezada sira fo seguransa no reza ba illas Nain Feto ne’ebé tama sira nia bairo iha Flecha, Postu Administrativu Maubisse, Munisípiu Ainaro.
Lezadu Estevão da Costa esplika katak, hafoin ne’e iha loron Domingu mais ou menus tuku 16:00 lokraik nia ho lezadu Mario da Costa tur hela iha sira nia rezidénsia, maibé membru KPK ho Polisia hamutuk ho autoridade lokal halo tan agresaun fíziku hasoru sira na’in rua.
“Problema hanesan ne’e, iha kalan illas Nain Feto tama ami nia bairo, ne’ebe labarik sira barullu iha liur, ne’ebe ha‘u hirus labarik sira, agora labarik sira nia maun tuku ha’u nia tilun hun, maibe husik tiha problema laiha, agora to’o lakraik tuku tolu sira nain 5 bolu ha’u ho ha’u nia tiun mai, ami nain 2 ba tama tiha xefe aldeia nia uma mak sira nain 5 baku ami”, Lezada Estevão da Costa, informa asuntu ne’e ba GMN, hafoin hatama karta keixa ba Komandante Polisiamentu Komunitaria Nasional iha Kuartel Jeral PNTLKaikoli-Díli, Kinta (11/04/2019).
Husi akontesimentu ne’ebe refere lezadu sira eziji ba komandu atu halo investigasaun ho sériu ba oknum sira ne’e. hodi prosesa tuir lei ne’ebe mak vigora iha Timor-Leste.
“Tanba ne’e mak nia ejije ba Komandu Jeral Polisia Nasional Timor Leste atu halo investigasaun ba oknum sira ne’ebe komete asaun brutalizmu ne’e, atu nune’e sira labele kontinua sira nia atetudi ne’ebe hafoer instituisaun PNTL iha publiku,”afirma Lezadu ne’e.
Entretantu, to’o notísia ne’e públika, jornalista tenta atu konfirma ho Komandante Polisiamentu Komunitaria Nasional, maibé okupadu ho servisu seluk.Aes
