Komandante Jerál Polísia Nasionál Timor-Leste (PNTL) Komisáriu Faustino da Costa, hateten, durante nia mandatu, sei la tolera membru Polísia ruma involve krimi pekulatu no korupsaun.
Tanba ne’e, Komisáriu Faustino da Costa, husu membru sira atu prevene a’an husi krimi pekulatu no korrupsaun, bainhira la kumpri, komisáriu ne’e promote sei foti medida.
“Hanesan ha’u koalia dadauk iha Munisípiu Díli, ha’u lakohi backing jogu ilícito iha mate uma ou iha fatin sira jogu ilícito sira, ou ba mós iha kompañia balun, ida ne’e ohin ha’u hato’o mós ba sira katak, iha ha’u nia mandatu ha’u lakohi rona ida ne’e, liu-liu pekulatu no korrupsaun, ha’u lakohi rona ida ne’e ba oin, kuandu ne’e iha, ha’u fó hatene ona ba sira katak, ha’u laiha toleransia ba sira. Ne’e mak ha’u nia vizita atu koalia ho membru Unidade Espesial Polísia atu bele transmite informasaun ne’e ba sira nia kolega sira”,esplika Komandante Jerál PNTL Komisáriu Faustino da Costa, ba jornalista sira Sesta (12/04/19), hafoin enkontru ho membru Unidade Polísia Espesial iha Bairu-Pite Díli.
Entretantu Komisáriu Faustino da Costa, antes ne’e hateten, durante ninia mandatu nu’udar Komandante Jerál PNTL sei la tolera krimi públiku akontese iha nasaun ne’e.avi
