GMN TV Justica e Segurança Filomeno Paixão: Laiha tan rekrutamentu ba PNTL, treina F-FDTL priense servisu polísia

Filomeno Paixão: Laiha tan rekrutamentu ba PNTL, treina F-FDTL priense servisu polísia

0 views

Ministru Defeza no Interior interinu,  Filomeno Paixão, hatete sei laiha tan rekrutamentu foun ba membru Polisia Nasional Timor-Leste (PNTL), tanba membru foun FALINTIL Forsa Defeza Timor-Leste (F-FDTL) bele treinadu hodi priense servisu polísia ninian.

“PNTL laiha tan rekrutamentu ba oin, maibé F-FDTL mak halo rekrutamentu nune’e rekruta iha ne’ebá treinu iha ne’ebá ,tanba iha ne’ebá sira labele hela metin ,maibé sira ne’e bele ba fali iha PNTL ne’ebá PNTL ba oin sira laiha tan ona rekrutamentu, hau hanesan Ministru Defeza no Interior hau dehan mak ne’e rekruta ba treinu iha F-FDTL fó instrusaun ,fo edukasaun sidadania ,edukasaun sivika treinu hotu sai iha ne’ebá ba fali PNTL ne’e mak ita nia planu ba oin para sira nain 2 ne’e hala’i integradamente no sira ba fali PNTL sira hatene saida mak F-FDTL no PNTL” Ministru Defeza no Interior Filomeno Paixão, hato’o lia hirak ne’e hafoin informa planu 2020 ba Primeiru Ministru Taur Matan Ruak, iha Palasiu Governu, Segunda (22/04).

Tuir planu Ministeriu Defeza no Interior iha tinan 2020, ne’e sei hala’o rekrutamentu ba membru foun F-FDTL de’it kuaze ema nain 600, maibé ba rekrutamentu PNTL sei laiha.

Governante nee dehan nia sei haree numeru PNTL ne’ebé presiza atu nune’e rekrutamentu membru foun F-FDTL ne’e bele akumula hotu ,tamba wanhira membru F-FDTL foun ne’e treinadu no hetan edukasaun sidadania ho sivika bele muda balun ba taka PNTL nia fatin hodi hala’o kna’ar ,maibe ninia estatutu FALINTIL Forsa Defeza Timor-Leste  nafatin.

Tuir lei, Timor- Leste ninia forsa FALINTIL – Forsa Defeza Timor – Leste tenki iha ema nain  3.600.

“Ita nia F-FDTL tuir lei tenki iha ema 3.600 laos labele aumenta ezemplu ita iha 3.000 seis sentos ne’e tenki troka bebeik duke ita soe ba liur diak liu ita tau ba polisia ne’e nia hatene edukasaun oituan bele hatene ona saida mak nasionalismu ,patrotismu nia tama ho nia ulun ne’e tasak oituan ona ba iha ne’ebá hanorin tan oituan nia bele halo servisu diak”, esplika Ministru Defeza.

Paixão esplika F-FDTL mak halo rekrutamentu nune’e treinu iha ne’ebá ,tamba iha ne’ebá sira labele hela metin ,maibé sira ne’e bele ba fali iha Polisia Nasional Timor – Leste ne’ebá.

“PNTL laiha tan rekrutamentu ba oin ,maibé F-FDTL mak halo rekrutamentu nune’e rekruta iha ne’ebá treinu iha ne’ebá ,tamba iha ne’ebá sira labele hela metin ,maibé sira ne’e bele ba fali iha PNTL ne’ebá ne’ebé PNTL ba oin sira laiha tan ona rekrutamentu, hau hanesan Ministru Defeza no Interior hau dehan mak ne’e rekruta ba treinu iha F-FDTL fó instrusaun ,fo edukasaun sidadania ,edukasaun sivika treinu hotu sai iha ne’ebá ba fali PNTL ne’e mak ita nia planu ba oin para sira nain 2 ne’e hala’i integradamente no sira ba fali PNTL sira hatene saida mak F-FDTL no PNTL” Paixão esplika.

Nune’e ba oin laos PNTL de’it ,maibe membru F-FDTL mós bele sai fali funsionáriu públiku no ba fatin seluk ne’ebé presiza liu-liu ba protesaun sivil, imigrasaun no sira seluk tan.tos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker