GMN TV Justica e Segurança JSMP laiha prova konklui mafia iha setór justisa

JSMP laiha prova konklui mafia iha setór justisa

0 views

Diretor Ezekutivu Judicial System Monitoring Programe (JSMP), Luis de Oliveira Sampaio deklara  to’o oras ne’e dau-daun, JSMP laiha prova atu konklui katak, akontese  mafia iha setór justisa.

“Ami JSMP laiha prova ida atu orienta ita ba konkluzaun katak, mafia iha setór justisa, iha kazu balun dalaruma bele forma opiniaun públiku katak, fallansu iha neglijensia prosedimentu ne’ebé maka mai husi ka rezulta husi autor judisiáriu sira lori konkluzaun ba opiniaun públiku katak, ida ne’e mafia iha justisa, iha kazu barak maka durante ne’e JSMP observa barak liu mai husi rezultadu neglijensia ka autor judisiáriu sira la kuidadu ka la aprende husi experiensia liu ba kotuk, kazu lubuk ida ita bele dehan liafuan bahasa ne’e kecolongan, sira la aprende husi experiensia sira ne’e, kazu lubuk ida ne’ebé maka durante ne’e falla husi autor judisiáriu rasik atu utiliza ka aplika medida koasaun sira ne’ebé apropriadu ba kazu ida-idak”, Diretor Ezekutivu JSMP ba GMN iha ninia kna’ar fatin Kolmera-Díli, Segunda (22-04-2019).

Nia haktuir tan katak, por-exemplu ko’alia kona-bá kazu droga fó efeitu no risku sosiedade no joven sira no sé ko’alia kona-bá kazu ne’ebé maka ligasaun ho korupsaun ne’e ninia efeitu boot ba sosiedade no ba dezenvolvimentu, tanba juíz sira preokupa ho kazu bar-barak hanesan ema asalta malu ka ofensas integridade fízika Simples, ofensas ba integridade fízika grave, inklui mós kazu droga, korupsaun, omisídiu no kazu asaltu sira seluk.

 “Tanba ne’e dala ruma difisil teb-tebes ba ita atu hetan intervensaun husi seitor judisiáriu, diferente entre kazu todan ho kazu kma’an sira, tanba dalabarak ona ami rekomenda atu ministériu relevante hanesan Ministériu Justisa (MJ) no agora ita mós iha Ministériu Reforma Lejislativa Asuntu Parlamentar (MRLAP) bele dezenvolve matadalan ida atu haree kada krimi sira ne’e trata oinsa? ninia atusaun oinsa no sirkuntansia husi kazu ida-idak ne’e atu bele ajuda juíz sira aplika provizaun sira iha kódigu penal, prosesu penal, tuir komplexidade, nesesidade kazu ida-idak, atu la bele jeneraliza kazu ida, kazu todan, kazu grave hanesan mós kazu simples bai-bain ni’an, ida ne’e maka ha’u nia hanoin presiza tau iha konsiderasaun”, dehan Luis Sampaio.

Luis salienta tan katak, JSMP la iha prova ida atu halo konkluzaun katak, ne’e mafia justisa, maibé ho ema hotu-hotu nia atensaun no vontade bele minimiza no ne’e kestaun neglijensia prosedimentu ka neglijensia prosesual, tanba juíz sira la kuidadu no la haree kazu ida-idak tuir ninia sirkuntansia no efeitu potensial.

“Presiza barak liu husi ita hotu-hotu no mós sei iha matadalan ida ba juíz ka seitor judisiáriu jeral sira bele klasifika kazu ninia todan ne’e halo nusa no akuza  ho artigu saida no sentensa ida ne’ebé maka diak liu ba kazu ne’e, oinsa bele ajuda haree iha prosesu investigasaun, hanesan kazu sira ne’ebé la’o dau-dauk ne’e”, deklara Diretor Ezekutivu JSMP.

Tuir dadus ne’ebé maka JSMP iha kona-bá kazu ne’ebé maka autor judisiáriu sira la konsege fó koasaun ne’ebé forti hodi implika autor sira la’o livre,  mais ou menus iha kazu lima (5), hanesan kazu Emilia Pires, kazu droga, kazu Tiago Guerra, kazu peska ikan ilegal no seluk tan. min


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker