GMN TV Justica e Segurança Masakre Liquisa sei nakukun ba justisa

Masakre Liquisa sei nakukun ba justisa

0 views

Primeiru Vise Sekretáriu sub rejiaun Liquisa, Salvador Serão dos Santos, konsideira masakre Liquiça iha tinan 1999 sei nakukun husi justisa, tanba autór sira ne’ebé involve iha masakre ne’e la’o livre hela.

Salvador Serão dos Santos hatete justisa laos deit ba Masakre Liquisa, maibe ba masakre hotu nebe akontese iha Timor laran tomak sei nakukun ba justisa.

“Ami hakarak hato’o ba orgaun soberanu hanesan Parlamentu Nasional, Prezidente Republika, Primeiru Ministru no Tribunal Rekursu atu haree took oinsa, forma saida maka atu bele haree ba ita nia vitima sira no sira nebe maka sai hanesan autor. Balun iha Indonesia, balun mai tiha ona, tanba ne’e ami haree iha problema lubuk ida nebe que falun hela,” dehan Salvador Serão dos Santos iha Liquiça, Kuarta 03/04/2019, iha ambitu komemorasaun tinan 20 (1999- 2019) Masakre Liquisa.

Vise Sekretariu subrejiaun nee dehan CHEGA hatete iha lei internasional, lei balun nebe fó hela dalan para atu julga ema sira ne’e iha Tribunal Internasional no Tribunal Nasional, mais to’o agora la realiza, tinan 20 masakre Liquisa ne’e nakukun iha justisa, nakukun iha buat hotu ba vitima sira.

“Ita bo’ot sira haree foin lalais nebe Deputadu husi Liquisa foti kartaun mean katak la aseita ho votus nebe nia fó matebian Gil Alves, tanba Gil Alves iha tempo neba hau hanesan testemuña, Gil Alves rasik koalia iha ami nia oin iha Liquica Maubara dehan katak imi tuir Xanana imi sei han fatuk, imi sei han rai. Gil mos tur iha organizasaun ida naran BRTT no mos FPDK, organizasaun sira ne’e maka halo intimidasaun ba ita nia komunidade sira atu labele tuir votasaun, karik tuir mos tenki hili atonomia,” dehan Salvador.

Nia mos kestiona segundu Komandante Jerál Besi Merah Putih (BMP) iha Liquiça Manuel Sousa nebe nia oan oras ne’e hakna’ar an hanesan F-FDTL, mais tanba tempo neba rekrutamentu ne’e hala’o husi ema estranjeiru sira entaun konsege pasa.

Salvador Serão hatutan Masakre Kariana, ema ne’e kaer kilat tiru mate joven nain nen (6) relasiona ho deslokasaun maun soudozu Nino Konis Santana no Sumotxo mai iha area Liquisa, ema nebe tiru joven nain ne’en ne’e agora sai hanesan funsionariu publik no nia oan iha F-FDTL, tanba sa maka laiha lei ba sira, tanba ne’e Liquisa ne’e sei nakukun ba justisa. Nes


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker