Ministeriu Públiku (MP) fó alarma atensaun ba Servisu Rejistu no Verifikasaun Emprezariál (SERVE) atu kuidadu hasai lisensa negósiu ba emprezariu sira, tanba kompañia balu hala’o atividade lá tuir lisensa atividade negósiu.
Prokurador Jeral Repúblika José da Costa Ximenes hateten, emprezariu balun husu lisensa halo negósiu atividade loke restaurante, maibe kalan hala’o fali atividade masas ká kumu isin fali.
“Husu ba instituisaun sira liu-liu hanesan SERVE ne’ebe hasai lisensa atividade ba harii kompañia sira tenke ho kuidadu, ita iha kontentor sia ne’e iha Timor oan ida que ita akuza nia iha lisensa atividade ba saida ba materia halo ai-moruk husi Indonesia nia iha lisensa ita iha fatin ba produs aimoruk sira ne’e iha ka lae,” aepla PJR José da Costa Ximenes, hafoin enkontru semanal ho Prezidenti Repúblika, iha palásiu Prezidensial Nicolau Lobato, Bairu Pite, Kuarta (10/04/2019).
Prokurador Jeral da Republika nee dehan tan, “Ita exporta tiha mai, ita importa fali ba Indonesia ida ne’e responsabilidade instituisaun sira hotu, balun regista iha ne’eba dehan restorante kalan atividade ne’e ba masas fali ne’e tenke kontrolu makasa, se lae ema aproveita ita nia ignorante halo aktividade kriminal,” apela Prourador Jeral da Republika.
PJR José Ximenes husu ba instituisaun hotu atu kontrola makas ba atividade sira ne’e, se lae sidadaun estranjeiru no sidadun Timor balun aproveita halo atividade ilegal hodi komete ba krimi.
Antes nee Unidade Polisia Maritima (UPM) prende materia prima hodi produs aimoruk paracetamol, caffein no corrosprodol (PCC) iha kontentor sia, hamutuk tonelada 162, iha Portu Dili, loron (23/01/2018). No mos iha Domingo semana rua liu ba PNSIC detein tan ema lori droga kilograma 250 iha Díli.Eus
