GMN TV Justica e Segurança PDHJ investiga ona kazu 10 iha tinan 2017-2018

PDHJ investiga ona kazu 10 iha tinan 2017-2018

0 views

Tuir relatóriu final investigasaun husi Provedoria dos Direitos Humanos e Justisa (PDHJ), hahú husi fulan Janeiru to’o Marsu, tinan ne’e, PDHJ investiga ona kazu sanulu (10) ne’ebé akontese iha tinan 2017 to’o 2018, inklui kazu Kulu-Hun.

Provedora dos Direitos Humanos e Justisa (PDHJ), Jesuina Gomes hateten, relatóriu refere PDHJ halo bazeia ba relatóriu investigasaun ba kazu sira ne’ebé akontese iha tinan rua liu ba.

“Tuir investigasaun ne’ebé PDHJ ne’ebé maka hala’o iha tinan 2017 no 2018, PDHJ investiga ona kazu 10 hanesan, direitu umanu 8, kazu IP konjunta BG no DH 1 (kazu kuluhun), boa governasaun 1, agresaun fízika 7, direitu ba moris (oho arbiru) no relatóriu ba liberdade, integridade no seguransa, TAKLU (tratamentu át, kruel no la umanu) 1, direitu igualdade (diskriminasaun arbitrária) 1, violasaun boa governasaun ho kategoria administrasaun la di’ak (sub kategoria sistema kontrolu la efikas) ba kuluhun”, PDHJ ba jornalista sira iha edifisiu PDHJ-Caicoli, Tersa (16-04-2019).

Provedora Jesuina Gomes esplika, husi kazu 10 ne’e kazu rua mai husi tinan 2016, 6 mai husi tinan 2017 no 2 mai husi tinan 2018, inklui kazu Kulu-Hun, kazu hirak ne’e konklui ona husi períodu fulan Janeiru to’o Marsu, ho nune’e maka PDHJ mai konvida entidade kompetente sira para simu relatóriu 10 ne’e, 8 dirizi ba Komandante Jeral Polisia Nasional Timor-Leste (PNTL) ne’e liga liu ba violasaun direitu umanu ne’ebé membru PNTL sira komete.

“Membru PNTL iha munisípiu 5 maka hakerek iha relatóriu ne’e, husi munisípiu Bobonaro iha 4, munisípiu Ainaro, Díli, Manufahi no Covalima iha 2, sira seluk nee 1”, informa PDHJ ne’e.

Jesuina Gomes haktuir katak, sé iha kazu krimi ruma maka PDHJ detekta ne’e sei haruka ba Ministériu Públiku (MP), maibé ne’e haree liu ba iha violasaun direitu umanu, liga ba direitu liberdade, seguransa no integridade fízika.

Husi sorin seluk, Komandante Jeral PNTL, Komisáriu Faustino da Costa apresia ho servisu ne’ebé PDHJ halo, tanba bele investiga kazu ne’ebé komete husi membru PNTL sira.

Entretantu serimonia entrega relatóriu final investigasaun husi PDHJ ne’e kazu direitu umanu iha 8, kazu boa governasaun 1, kazu agresaun fízika 7 no seluk tan. min


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker