GMN TV Justica e Segurança PJR planeia halo mudansa ba MP nia servisu

PJR planeia halo mudansa ba MP nia servisu

0 views

Atu halo alterasaun no mudansa ba Ministériu Públiku (MP) nia servisu, iha loron Sesta (05/04) ne’e Prokuradoria Jeral Repúblika (PJR) organiza semináriu internasional ida ho tema Ministériu Públiku, Timorense passado, presente e futuro.

Tuir prokurador Jeral Repúblika (PJR), José da Costa Ximenes hateten, PJR organiza semináriu internasional ne’e objetivu atu buka ideia konstrutiva ou opiniaun para bele hadi’a liu tan servisu MP no prokuradoria ninian.

“Ohin ami halo semináriu internasional, ami tenta konvida Prokurador Jeral Cabo-Verde ninian, haree husi prespektiva komparadu, tanba saida maka ita konvida dotor Oscar Tavares, tanba iha ninia tempu maka nia halo alterasaun ba estatutu MP nian iha Cabo-Verde, konvida mós eis prokuradora Portugal, Joana Marques Vidal para haree mós prespektiva komparadu, tanba ita nia sistema sivil kuaze hanesan, tanba saida maka iha ninia tempu maka sira foin halo alterasaun ninia estatutu, ema na’in 2 ne’e iha experensia, nune’e bele partilla hotu sira nia experensia faze de estatutu ninian”, PJR ba jornalista sira iha salaun Hotel Timor-Díli, Sesta (05-04-2019).

Nia esplika, PJR hahú ona projetu estatutu MP foun, tanba sé halo alterasaun de’it buat barak maka la difikulta PJR nia servisu, entaun PJR mai ho projetu estatutu MP ne’ebé foun, atu nune’e bele hadi’a servisu MP ninian.

“Antes ne’e ami halo diskusaun, depois ami prepara lori ba Konsellu Superior MP, deskuti dala 1, 2 no 3 iha tinan kotuk no ínisiu tinan ida ne’e ami halo faze ba diskusaun aberta ho sosiedade sivil 1 ou 2, ami halo diskusaun ho kolega majistradu no prokurador sira, tanba estatutu ne’e ita ni’an, la’os ba ema ida ni’an, entaun ami halo diskusaun aberta ho kolega prokurador sira, iha loron 1, fulan Marsu ami halo ho sosiedade sivil no iha loron 15, fulan Marsu ami halo ho kolega masjistradu MP ninian”, haktuir José Ximenes.

Husi sorin seluk, Ministru Reforma Lejislativa Asuntu Parlamentar (MRLAP), Fidelis Magalhães hateten, objetivu semináriu ne’e atu buka ideia konstrutiva no opiniaun para bele hadi’a liu tan servisu MP no prokuradoria ninian.

“Ita iha espesialista barak mai husi Cabo-Verde, Portugal no Prokuradoria Jeral husi Cabo-Verde ni’an mós iha ne’e, ita nia antigu Prokurador Jeral mós iha ne’e, ida ne’e exersísiu ida importante tebes, atu ita bele hanoin hikas fila-fali to’o ona iha ne’ebé no oinsá di’ak liu tan iha futuru, rezultadu ita seidauk iha, tanba semináriu foin hahú, maibé importante ba Estadu Governu, ita iha Prokuradoria Jeral, MP ida kompetente ne’ebé halo servisu iha teritório tomak, atu nune’e bele asesu justisa ida ne’ebé maka diak liu tan ba ita nia sidadaun sira”, informa MRLAP ne’e.

Entretantu konvidadu hirak ne’ebé maka partisipa iha semináriu internasional ne’e maka hanesan, Prokuradoria Jeral husi nasaun Cabo-Verde no Portugal, PJR, juíz, MP, Ministériu Solidariedade Sosial no Inkluzaun (MSSI), parseiru nasional, Casa Vida, Centro Nacional Chega, membru Governu no selu-seluk tan. min

 


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker