GMN TV Justica e Segurança Polísia la rigór iha eventu importante sira ■Investiga membru PNTL komete kobransa ilegál

Polísia la rigór iha eventu importante sira ■Investiga membru PNTL komete kobransa ilegál

0 views

Diretór Ezekutivu Fundasaun Mahein (FM), João Almeida, konsidera joven  balun ne’ebé tuda Igreja Balide iha Sabadu (20/04/19), hodi perturba misa,  tanba Polísia Nasional Timor-Leste, Munisípiu Díli la rigor no laiha vijibilidade klena ba eventu importante hirak ne’e.

Tanba ne’e, ba oin nia sujere ba membru PNTL tomak atu iha selebrasaun misa no eventu importante ruma ne’ebé hala’o iha rai laran, polísia labele “bilán” atu nune’e bele kontrola atividade kriminal hirak ne’ebé bele akontese hodi implika populasaun sai vítima.

“Hanesan ita koalia liu-liu balun hetan kanek, balun trauma ba situasuan ida ne’e. Tanba  ne’e presiza servisu Polísia nian ne’ebé ho rigor atu bele asegura kualker eventu,  kualker  seremonia ruma iha  ita nia rai, tanba  ne’e importante vijibilidade Polísia nian atu bele asegura seguransa ba eventu oin mai”, esplika Diretór Ezekutivu Fundasaun Mahein (FM) João Almeida, ba GMN Segunda (22/04/19) iha  Fomento Díli.

Tuir João Almeida, kazu ne’e akontese,  tanba  komunidade involve iha grupu oin-oin, balun talves  involve iha grupu artemarsiais ne’ebé mak Governu taka ona,  entaun buat sira ne’e hotu lori to’o eventu sira  ou seremonia sira nune’e no ikus mai fo nia impaktu ladiak.

“Ita hotu la aseita ho atitude ida  ne’e,  bainhira  selebra hela misa, tanba atitude  ida ne’e la diak ba ita no mós   ita nia seguransa,  porque ema bele halo konkluzaun seluk  ba  ita nia seguransa sé bainhira iha situasaun sira ne’e”,dehan  João Almeida.

Alende ne’e Polísia Nasionál Timor-Leste (PNTL), liu-liu Eskuadra Nain-Feto Munisípiu Díli,  kaptura ona suspeitu  nain hat, ne’ebé mak deskonfia tuda Igreja Balide Díli no submete ona ba prosesu  investigasaun.  Polísia Eskuadra Nain-Feto, promove hela motivu husi akontesimentu ne’e.

Investiga membru PNTL komete  kobransa ilegál

Dirétor Ezekutivu Fundasaun Mahein (FM), João Almeida, dezafia Ministru Defeza no Ministru Interior Interinu Brigadeiru Jenerál, Filomeno da Paixão de Jesus, atu loke investigasaun ba kazu membru Polísia Nasional Timor-Leste (PNTL) liu-liu servisu migrasaun ne’ebé halo kobransa ilégal iha Fronteira no Aeroportu, tanba konsidera núdar korupsaun.

“Ha’u hanoin kazu ida ne’e seriu tebes iha fronteira no aeroportu, portantu Ministru Defeza no Ministru Interior Interinu rasik kestiona maka’as asuntu ida ne’e, liu liu kobransa illegal iha fatin rua ne’e perzisa intervensaun imediata atu bele hatene asuntu ne’e. Tenke loke investigasaun ba oknum (membru) Polisia Nasional Timor Leste liu-liu servisu migrasaun ne’ebé halo kobransa ilegal iha fronteira no aeroportu, tanba konsidera hanesan ema korupsaun”, deklara dirétor ezekutivu FM, João Almeida, ba GMN iha nia kna’ar fatin Fomentu, Comoro, Segunda (22/04/2019).

João Almeida hateten, sé bainhira iha asaun ka halo kobransa illegal tuir lolos labele akontese, tamba sei fo lisaun ladiak ba ema estranjeiru sira.

“Sé bainhira investidor sira hakarak mai investe iha ita nia rai, se mosu situasaun sira nune’e, ha’u hanoin katak ema sei la mai, tamba kazu sira hanesan ne’e diak liu loke investigasaun hasoru pratika kobransa illegal ida ne’e, porque ne’e mós krime ida ne’ebé komete husi elementu seguransa ninia”, afirma diretor ezekutivu FM.

Nia dehan, maske to’o agora seidauk iha prova lolos sé mak involve iha kazu sira hanesan ne’e, maibé deskonfia katak elementu balun husi servisu imigrasaun mak halo kobransa illegal ida ne’e.

João Almeida sublinha, ho hahalok kobransa illegal ne’e mós fo impaktu ba númeru imigrante iha Timor-Leste.

“Kazu ida ne’e mós fó impaktu maka’as ba númeru imigrante sira ne’ebé iha ita nia rai, dala barak ita akonpaña no rona katak, ema turista barak mak servisu iha ita nia rai, maibé númeru lolos ne’e hira? Maibé ita rasik seidauk identifika ema sira ne’e, tamba ne’e governu liu-liu ministeriu relevante perzisa halo investigasaun klean ba kazu sira ne’e,”tenik nia.avi/Aes


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker