GMN TV Justica e Segurança Polísia Xina deporta tan feto Timor-oan 13 mai TL

Polísia Xina deporta tan feto Timor-oan 13 mai TL

0 views

Polísia  Xina deporta tan feto Timor-oan na’in 13,  ne’ebé ba servisu ilegál iha Xina, (23/04/19) durante fulan barak nia laran mai  Timor-Leste (TL), tanba konsidera viola vistu no ba servisu ilegál iha ema nia rai. Feto Timor-oan sira hamutuk 13 ne’e  ba servisu iha sidade Fujian, Xina.

Feto Timor-oan sira ne’e, to’o iha Aeroportu Internasionál Prezidente Nicolau Lobato   ho aviaun Citilink.

``Atu  informa  ba públiku katak,  ita nia maluk Timor oan nain 13,   ne´ebé   husi autoridade Xineza  haruka  fila mai tanba sira viola  vistu, iha indikasaun rekrutamentu  traballadores  ilegal, ne´e mak sira prosesu iha Xina haruka sira mai,  ne´ebé  ida  ne´e prosesu kontinuasaun iha fulan Dezembru tinan 2018 haruka nain hitu  no iha fulan Fevereiro 2019 haruka tan nain sia   fila mai Timor-Leste``,esplika Diretór Jerál Interinu Servisu Migrasaun Inspetór Xefe Luis Barreto,  ba jornalista sira iha Aeroportu Internasionál Nicolau Loabato Comoro  Díli.

Nia  hatutan, Timor oan sira durante iha Xina servisu nudar   pembantu ruma tanga.

Enkuantu ba  Timor oan  mane ida ne´ebé mak sai nudar autor hodi fasilita Timor oan sira ba servisu iha Xina, Polísia Xina detein ona  iha Xina hodi submete ba  prosesu investigasaun, tuir lei  ne´ebé mak vigora iha nasaun refere.

Alénde ne’e traballadora,  Joviana De Fatima  José,  sente kontente tanba maski ba servisu ilegál  maibé fila mai ho fasilita  husi Governu Timor-Leste.

``Ha´u nia sentimentu  kontente tebes, tanba  Governu iha duni intrese ba ami depois hodi buka tuir ami, oras ne´e dadauk ami to´o ona iha Timor, tanba ami rasik hakat ain husi Timor ba Xina la hatene ami ne´e servisu ilegal, maibe ami  servisu tiha fulan balun foin hatene ami servisu ilegal no ida ne´e mak ami hotu halo grupu hodi buka dalan mai Timor no oras ne´e hela nain rua mak sei iha Xina``,Joviana De Fatima  José,

Nia  hatutan,  durante servisu iha Xina, fulan ida sira hetan salariu U$ 500 no ba mane U$ 600.

``Iha Xina ami servisu nudar atan ba ema, maibe  ita nia maluk Timor-Leste iha  ne´ebá ami servisu hanesan sex salves, ida ne´e ami la simu tanba, ami iha ne´ebá la´os servisu hanesan sex salves maibe servisu hanesan atan ba ema oinsa atu bele suporta ami nia familia, nudar ha´u  rasik oan kiak atu suporta  ha´u nia alin sira``dehan  Joviana De Fatima  José.avi


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker