GMN TV Justica e Segurança Ró USNS Fall River to’o TL ■Fó asistensia saúde ba komunidade

Ró USNS Fall River to’o TL ■Fó asistensia saúde ba komunidade

0 views

Ró  Naval husi Estadu Unidu Amérika (EUA), USNS  FALL  RIVER, hala’o vizita   mai Timor-Leste (TL), Segunda (22/04/19), tula forsa mais ou menus atus hitu, ne’ebé mak atraka iha Portu Díli, ho objetivu atu fo asistensia saúde ba públiku.

Ro ne’e to’o iha Díli, simu husi Embaixadora EUA ba Timor-Leste, Kathleen Fitzpatrick no asisti husi membru  FALINTIL Forsa Defeza Timor-Leste (F-FDTL).

Ba   jornalista sira, Embaixadora EUA ba Timor-Leste,  Kathleen Fitzpatrick,  hateten,  ró  Usns  Fall  River vizita  mai Díli Timor-Leste, liu husi programa   Pacific Partnership ho objetivu atu treinamentu ba professional saúde Timor-oan sira no  fó asistensia   umanitária no implementa projetu enjeneria.

Alende ne’e,  forsa sira sei hala’o  ezersisiu ba  apoiu dezastre  no  forsa sira sei hala’o interkambiu  ho komunidade no konsertu múzika banda iha ró laran.

“Ha’u atu informa katak, Pacific Partnership harii  atu hametin  kooperasaun entre  nasaun partisipante  sira, organizasaun umanitária. Pacific Partnership tinan 2019, inklui membru  forsa Naval Estadu Unidu Amerika  no forsa terestre Estadu Unidu Amerika inklui mós partisipante sira husi Timor-Leste, Australia, Japan, Tailandia, Filipina, Inglaterra, Peru no Canada”esplika Kathleen Fitzpatrick, ba  jornalista sira Segunda (22/04/19) iha Portu Díli.

Nune’e mós  Kapitaun  Ró  EUA, USNS  FALL  RIVER,  Randy Van Rossum,  antes mai Díli, ekipa  ne’ebé  mak involve iha  Pacific Partnership hala’o ona vizita ba iha  nasaun Filipina no Malaysia, hodi fó asistensia ba komunidade sira, iha nasaun rua ne’e.

“Ha’u sinti kontente tebes-tebes ha’u hein semana rua ba oin,  servisu hamutuk ho parseiru  sira ba misaun furak ida ne’e”,dehan Randy Van Rossum.

Entretantu, ró Estadu Unidu Amerika ne’e sei loke ba públiku hodi fó asistensia saúde ba komunidade, hahú iha loron Tersa (23/04/19) no sei termina  (03/05/19).avi

 


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker