Prezidente Tribunál Rekursu (TR),Deolindo dos Santos husu apoiu ba órgaun soberanu sira atu hamosu regulamentu espesífiku konaba materia droga nian atu nunee bele ajuda servisu tribunal sira foti dezisaun.
Presidente Tribunál Rekursu Deolindo dos Santos hato’o lia hirak ne’e, ba jornalista sira, Segunda (15/04/2019), hafoin hasoru malu ho Prezidente Repúblika, iha Palasio Presidensial, hodi informa konaba servisu tribunál nian durante ne’e.
Prezidente orgaun judisiariu nee dehan durante sorumutu ne’e Prezidente Tribunal Rekursu husu ba Governu no Parlamentu Nasional no apoiu husi Prezidente Repúblika, atu ajuda Tribunál hamosu regulamentu espesífiku liu-liu iha implementasaun foti desizaun ba matéria droga.
“Halo nusa mak bele servisu hamutuk ho parte Governu, liu-liu Parlamentu Nasional ho apoiu Prezidenti Repúblika nian para hamosu tan regra balun bele regula material sira ne’ebe spesifiku hodi bele apoiu servisu Tribunal,” hateten, Deolindo dos Santos.
Prezidente Tribunal Rekursu nee konsidera iha kestaun balun la eziste iha lei droga nian, tanba nee presiza haree hamutuk hodi halo reformasaun detallada.
Antes ne’e, desizaun Tribunál Disitritál Díli aplika medida koasaun aujénsia ho Termu Identidade Rezidensia (TIR) ba arguidu AP ne’ebé dekoskonfia komete kazu hatama droga kilograma 250 mai Timor Leste.
Dezisaun Tribunal nian nee hetan reasaun husi sosiedade timorense, inklui autor judisial balu katak dezisaun tribunal nian ba kazu droga nee la merese ba kazu droga. Eus
