Polisia Nasional Timor-Leste (PNTL) ho Ekipa Sentru Integradu Jestaun Krize (EKIJK), Tersa (14/04), ba tula diretamente sidadaun Timor-oan ida ne’ebé entrega husi ninia familia rasik iha nia uma atu kumpre kuarentena no teste ba Covid-19, tanba foin fila husi fronteira Batugede.
“Hau nia oan feto ne’e foin fila husi fronteira Batugede ho nia patraun mak mai hatun iha uma, tamba nia servisu restaurante iha fronteira ema nain hira mak iha kareta laran ne’e hau la hatene, hau koopera ho Polisia Nasional Timor-Leste (PNTL) ho Ekipa Sentru Integradu Jestaun Krize, atu lori hau nia oan ba tuir teste no ba kuarentina hau mós husu ba Ekipa Sentru Integradu Jestaun Krize, para lori aimoruk handsanitizer mai rega hau nia uma atu prevene virus COVID-19”, dehan Januario da Silva Belo, aman kiik, ba JNDiario, iha nia residensia Tuanalaran.
Tuir informasaun ne’ebé hato’o husi família katak, nia oan feto ne’e servisu iha restaurante ida iha fronteira Batugade, tanba Estadu Emerjensia ba prevensaun surtu COVID-19, nia patraun tula nia husi fronteira hodi ba hatun iha ninia uma.
Nia hatutan, nu’udar família lamenta tebes ba viziñua sira nia atetude, ne’ebe ba hobur nia oan feto ne’ebe foin fila husi fronteira hanesan hobur kriminozu ida.
Tuir membru polisia ida nebe lakohi temi ninia naran, hatete katak sira rona informasaun husi komunidade katak Timor -oan ida foin fila husi fronteira Batugede, ba liu nia uma, laliu husi kuarantena, tan nee sira mai tula direitamente lori ba kuarantene. Tos
