GMN TV Justica e Segurança Falta koordenasaun, Sidadaun estranjeiru halai husi sala izolamentu

Falta koordenasaun, Sidadaun estranjeiru halai husi sala izolamentu

0 views

Xefe Estadu Maior Jenerál FALINTIL Forsa Defeza Timor-Leste (F-FDTL) Majór Jenerál Lere Anan Timur, konsidera, sidadaun estranjeiru  nai’in ida  ema lori halai sai husi fatin izolamentu Verra-Cruz Díli, tanba falta koordenasaun entre  ekipa jestaun integradu COVID 19.

Lere rekoñese, seguransa Polísia koloka iha hodi asegura seguransa edifisiu  izolamentu Vera-Cruz iha Caicoli, maibé Polísia seguransa de’it iha estrada oin  la tama   iha sala izolamentu nia laran, hodi haree  ema ne’ebé  mak lori sai sidadaun  ida ne’ebé  durante ne’e izola iha fatin refere.

Tanba  ne’ Lere konsidera, ema ida ne’ebé mak lori sai sidadaun estranjeiru  iha fatin izolementu laiha koordenasaun ho ekipa saúde.

“Ha’u hanoin seguransa   la’os iha uma-laran, seguransa iha liur, mas imi  husu took tanba saída mak Austrália ne’e lori sai. Ne’ebé ha’u hateten bebeik ita labele halimar ho situasaun ida ne’e, porque dala ruma ita tauk violasaun dereitus  humanus buat sira ne’e  hotu, dala ruma ita basa  oituan mós ladiak depois lori  ita ba tribunal, dereitus humanus kondena ita, mas ida ne’e la’os krize militar no krize polítika, ida ne’e krize  entre vida ou morte, ha’u hanoin  ita nia komunidade tenki komprende ida ne’e”,esplika  Xefe Estadu Maiór Jenerál F-FDTL Majór Jenerál Lere Anan Timur, ba  jornalista sira Sesta (10/04/20) hafoin enkontru Sentru  Integradu Jestasaun Krize iha Sentru Konvensoins Díli.

Sidadaun estranjeiru ne’e tama iha sala izolamentu  Vera-Cruz,  iha loron 22, fulan Marsu  no alta ona  iha Sesta kalan semana ne’e.

Tuir  informasaun ne’ebé mak fó sai husi Sentru  Integradu Jestaun Krize,  liu husi konferénsia imprensa katak,  sidadaun estranjeiru ne’ebé mak lori sai husi fatin izolamentu, tanba  hatudu ona sinál negativu.

Alende ne’e ema sira ne’ebé mak iha Kuarentena hamutuk 984,  Díli 820, munisipi 130. Auto kuarentena Díli 9  munisípiu 25. Pasa  ona 14 dias total 896, Díli 723 munisípiu 173. No dadauk ne’e Timor oan ida/tama fali iha fatin izolamentu Vera-Cruz,  tanba  pozitivu COVID-19.avi


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker