GMN TV Justica e Segurança Governu sei kria dekretu lei kombate informasaun falsu iha medsos

Governu sei kria dekretu lei kombate informasaun falsu iha medsos

0 views

Governu sei kria dekretu  lei ida hodi foti medida ba ema sira ne’ebé lansa informasaun falsu liu husi media sosiál (medsos) ligadu COVID-19.

 Iha  Kuarta  (22/04/20) Sekretáriu Estadu Komunikasaun Sosial  Mericio Akara fasilita  enkontru ho  Diretór Nasionál  Polísia Sientífika Investigasaun Kriminal Vicente  de Brito no reprezentante operadór Timor-Telekom, no Autoridade Nasionál Komunikasaun hodi koalia  kona-bá  informasaun falsu no negative, ne’ebé mak  ema lansa,  iha media sosial durante situasaun emerjénsia kona-bá COVID-19 ninian.

Ho aktu sira ne’e, halo ema barak, kestiona. Tanba  ne’e governu liu husi SEKOMS halo enkontru hodi halibur idea atu  responde ba situasaun ida ne’e.

Tanba  ne’e,  Akara dehan, wainhira Prezidente Repúblika Francisco Guterres Lú Olo, extende tan Estadu emerjénsia ba dala rua, Governu sei  kria dektetu lei ida hodi foti medidas ba ema sira ne’ebé mak lansa informasaun falsu liu husi media sosial kona-bá COVID-19.

“Iha ideas balun iha ne’e, mas governu propoin ona Estadu Emerjénsia  ba fulan ida tan,  ita hein depende ba ita nia Prezidente Repúblika foti desizaun, maibé governu nia posisasaun mak ne’e kuandu extende Estadu emerjénsia”,esplika Sekretáriu Estadu Komunikasaun Sosial  Mericio Akara, ba  jornalista sira Kuarta (22/04/20), iha Palásiu Governu.

Akara akresenta, governu iha kompeténsia atu halo dekretu governu kona-ba medidas.

 “Ami sei haree, internal governu sei haree medidas ruma liga dereita  ba ema ne’ebé lansa informasaun falsu ka promove hoax, ami sei haree, tanba situasaun emerjénsia, tanba  iha situasaun emerjénsia, dekretu lei ida ne’e temi ema ne’ebé mak la kontribui kombate COVID-19, maibé halo  fali kepanikan, lansa fali informasaun, ita haree took pontu balun iha ne’ebá para oinsa ita kombate minimija ida ne’e,  ne’ebé  iha medidas, ne’ebé iha dekretu lei  ne’e ami sei haree, liu-liu sei koalia iha sentru Integradu hodi analiza foti desizaun”, dehan Mericio Akara.

Alende ne’e Diretór Nasionál  Polísia Siéntefika Investigasaun Kriminal Vicente  e Brito hateten, bainhira governu kria duni dekretu  lei  ba ba ema sira lansa informasaun falsu ne’e, PSIK prontu ezekuta   hodi buka tuir ema sira ne’e hodi kaptura.

 “Ha’u hanoin  ita tenki prontu,  ita nia rekursu  ne’ebé iha   ita uza tenki uza masimu, maibé PSIK mesak labele laiha  ita kombate krime ida komplexu, la’os orgaun ida de’it, maibé ita presiza kooperasaun mutua entre  instituisaun relevante hanesan  ANC, TI no sel-seluk tan ho tan Polísial sira seluk, ha’u hanoin  ita hamutuk ita bele  halo buat ruma buat seluk-seluk”, Vicente  e Brito

Entretantu atu kombate  informasaun falsu sira ne’e la’os PCIC de’it, maibé servisu koloborasauna entre  ho autoridade  Nasionál Komunikasaun  no   operadór telekomunikasaun sira.

PSIK rejista informasaun falsu  25 durante EE

Diretór Nasionál  Polísia Siéntefika Investigasaun Kriminal Vicente  e Brito  hateten, durante periode Estadu Emerjénsia nia membru sira rejista informasaun  falsu kona-ba COVID-19, ema lansa iha media sosial hamutuk 25.

 “Durante Estadu Emerjénsia  ita rejista por inisiativa por donensia, informasaun simu  ita rejista 25 konteudu  ne’ebé mak postingan ema koloka iha faceboock, entaun ami nia atuasaun ne’e mais administrativu Polísial, ne’e signifika kuandu PCIC iha nia servisu prevensaun ne’e  ita depois  ita identifika liu husi prosesu triajen ida depois ita notifika ema ne’e, sé kuandu  identifika  ne’e administrasaun Polisial, sé kuandu konteudu informasaun ne’e ho material krime entaun ami lori ba Ministériu Públiku, sé kuandu la krime  ami aguarda, rejistu de’it no akompaña automatikamente ba iha postingan sira ne’e”,esplika Diretór PSIK Vicente  e Brito, ba  jornalista sira Kuarta (22/04/20)  iha edifisiu Sekretáriu Estadu Komunikasaun Sosial iha Palásiu Governu.

Nune’e mós  Sekretáriu Estadu Komunikasaun Sosial Mericio Akara  hateten, wainhira Prezidente Repúblika dekreta tan Estadu Emerjénsia bad ala rua, Governu sei kria dekretu  lei ida hodi foti   medidas ba ema sira lansa informasaun falsu iha media sosial ligadu COVID-19.avi

 


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker