GMN TV Justica e Segurança Komando F-FDTL hasai membru ida tanba komete krime

Komando F-FDTL hasai membru ida tanba komete krime

0 views

Komando FALINTIL Forsa Defeza Timor-Leste (F-FDTL) hasai  Primeiru Sarjentu Abreu Ramos da Costa,  hodi ba kumpri prijaun  durante tinan hat fulan nen, tanba komete krime  asalta komunidade balun iha Tibar munisípiu Liquiça.

Abreu Ramos tama iha instituisaun F-FDTL iha tinan 2004, durante ne’e koloka iha relasaun públika  F-FDTL iha Kuartel Jenerál Fatuhada Díli, maibé iha tinan 2015, komete krime  iha Tibar ho  komunidade balun.

Tanba  ne’e vítima sira hato’o keisa ba Ministériu Puúbliku, hodi submete ba Tribunál Distritál Díli no desizaun tribunál aplika prijaun tinan hat  fulan neen, ba  kondenadu Abreu.

Tanba  ne’e, Komando Xefe Estadu Maior  Jenerál F-FDTL Majór Jenerál  Lere Anan Timur, hasai despaisu hodi hasai membru F-FDTL ne’e husi instituisaun F-FDTL iha  Kuarta (22/04/20) hodi fila ba vida sivil no kontinua kedas ba iha prijaun Bekora

“Hakarak informa ba media sira katak kronolojia  ne’ebé mak nia halo,  iha tinan 2015  nia iha problema nia ho nia família  ba  trata asuntu partikular  iha diresaun Tibar  iha dalan ema ataka sira no altura  ne’e kedas  nia fila ho nia família viziñu sira  responde kontra asaun, portantu vítima sira hatoo keisa”,esplika Xefe Divicão  Pesoal  Tenente Coronel Constantino Moreira, Kuarta (22/04/20) iha Kuartel Jenerál F-FDTL Fatuhada Díli.

Constantino Moreira  mós konsidera,  primeiru sarjentu kontra regulamentu disiplinar militar ninian.

Atu prevene aktu sira labele akontese ba membru  F-FDTL sira seluk iha future mai.  Constantino Moreira, husu ba membru sira atu kumpri regra militar.

“Señor Abreu Ramos ninia problema  sai lisaun ba ita  para  ita sai hanesan soldadu ida kuandu ita atu halo buat ruma ita tenki atensaun, sé iha problema fó hatene ba  ita boot sira nia hirakia sira  informa ba Polísia Militar  atu oinsá ita bele uza atuasaun tuir metodu  ne’ebé regulamentu haruka, se lae ita bele hetan situasaun hanesan ita nia Sarjentu hasoru”, dehan Constantino Moreira.

Alende  ne’e  Advogado Privado Octavio Cardoso hateten, nia halo ona koordenasaun  ho Tribunál Rekursu, maibé kondenadu tenki tama prijaun.

“Tuir doutrina  ne’ebé mak tribunal aplika efetivamente, tuir  ita  nia kodigu prosesu  katak tenki ba kumpri duni, intermus  juridiku ba  iha prosesu ida ne’e  iha buat rua mak tenki tau difirente, primeiru ha’u nia kliente submete ona prosu iha nia instituisaun. Tanba  ne’e  ita hotu hein ofisialmente  halo separasaun ba servisu  ne’ebé mak durante ne’e nia depois mak ita kumpri, ida ne’e mak kooperasaun ne’ebé mak ami halo  nafatin ho tribunal hodi nune’e iha liña koordenasaun  señor kondenadu membru F-FDTL”,dehan Octavio Cardoso.

Antes ne’e mós, Komando F-FDTL hasai ona membru F-FDTL na’in rua, mak hanesan  Eusebio Barros, husi tanba faltozu servisu, no soldadu Domingos Bolu, tanba involve artemarsiáis ne’ebé mak antes governu taka no ikus mai reativa ona.avi 

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker